യുവജനോത്സവം 8

പ്രായം തളർത്താത്ത ആവേശം കൊല്ലം: കൊച്ചുമകളുടെ പ്രകടനം കാണാൻ ആവേശത്തോടെ ഇത്തവണയും സാവിത്രിയമ്മാൾ എത്തി. ടി.കെ.എം കോളജിലെ ഒപ്പന വേദിയിലാണ് 89കാരി എത്തിയത്​. ടി.കെ.എമ്മിലെ ഒന്നാം വർഷ ബി.കോം വിദ്യാർഥിയായ കൊച്ചുമകൾ പാർവതിയുടെ ടീമിന്‍റെ പ്രകടനം കാണാനാണ് കണ്ണനല്ലൂർ യു.പി.എസ് സ്കൂളിലെ പഴയ അധ്യാപിക കൂടിയായ സാവിത്രിയമ്മാൾ എത്തിയത്. കലോത്സവ വേദിയിലെ സ്ഥിരം സാന്നിധ്യമാണ്​. 2019 ൽ നടന്ന കലോത്സവത്തിൽ മാത്രമാണ് പങ്കെടുക്കാൻ കഴിയാതിരുന്നത്. മകളും അഭിഭാഷകയുമായ ദീപയോടൊപ്പമാണ് കലോത്സവ വേദിയിലെത്താറ്. മുത്തശ്ശിയുടെ ആശീർവാദത്തോടെ സ്റ്റേജിൽ കയറിയ ടി.കെ.എം ടീം മത്സരത്തിൽ മൂന്നാം സ്ഥാനം കരസ്ഥമാക്കുകയും ചെയ്തു.