യുവജനോത്സവം 6

തിലകമാകും സോന, പ്രതിഭയാകും വിഷ്ണു ​കൊല്ലം: ഒന്നിനു പിറകെ ഒന്നായി ഒന്നാം സ്ഥാനങ്ങൾ സ്വന്തമാക്കുമ്പോഴും കലാ തിലകത്തിലേക്കുള്ള വഴിയിലാണ്​ താൻ എന്ന കാര്യം സോന സുനിലിന്​ ഇനിയും വിശ്വസിക്കാനായിട്ടില്ല. കോളജ്​ ജീവിതത്തിലെ അവസാന വർഷം ഏറ്റവും കൂടുതൽ മത്സരങ്ങളിൽ പ​ങ്കെടുക്കാൻ കച്ചകെട്ടിയിറങ്ങിയ തിരുവനന്തപുരം സ്വാതിതിരുനാൾ സംഗീത കോളജിലെ സോന അങ്ങനെ ഇത്തവണ കലാതിലകവുമായി തിരിച്ചുപോകും. പ്രച്ഛന്നവേഷം, കേരളനടനം, നങ്ങ്യാർകൂത്ത്, മോഹിനിയാട്ടം, കഥകളി എന്നിവയിൽ ഒന്നാംസ്ഥാനവുമായി 25 പോയന്‍റ്​ നേടിയാണ്​ ആലപ്പുഴ ചേർത്തല സ്വദേശിനി കലാതിലകം ഉറപ്പിച്ചത്​. കഥകളി, ഭരതനാട്യം, കേരളനടനം, നാടോടിനൃത്തം എന്നിവയിൽ ഒന്നാംസ്ഥാനവും കുച്ചിപ്പുടിയിൽ രണ്ടാം സ്ഥാനവും നേടി ചേർത്തല എസ്‌.എൻ കോളജിന്‍റെ എസ്‌. വിഷ്‌ണു കലാപ്രതിഭയാകുമെന്ന്​ ഉറപ്പായി. 23 പോയന്‍റുമായാണ്​ വിഷ്ണു പ്രതിഭയാകുന്നത്​. ട്രാൻസ്ജെൻഡര്‍ വിഭാ​ഗത്തിൽ പ്രത്യേകം മത്സരമുണ്ടായിരുന്നെങ്കിലും സ്വാതിതിരുനാള്‍ സം​ഗീത കോളജിലെ ജെ. ഐവിൻ മാത്രമാണ് പങ്കെടുത്തത്.