സത്കർമ പുരസ്കാര സമർപ്പണം 26ന്​

കൊല്ലം: സത്കർമ ചാരിറ്റബിൾ ട്രസ്റ്റിന്‍റെ 'സത്കർമ' പുരസ്കാരങ്ങൾക്ക്​ ഗോപിനാഥ് മുതുകാടും കല്ലൻ പൊക്കുടൻ മാൻഗ്രൂവ് ട്രീ ട്രസ്റ്റും അർഹരായി. ഭിന്നശേഷിക്കാരായ കുട്ടികളുടെ പുനരധിവാസത്തിനായി നടത്തുന്ന പ്രവർത്തനങ്ങളെ പരിഗണിച്ചാണ്​ മുതുകാടിന് 'സമഗ്രസംഭാവന' പുരസ്​കാരം നൽകുന്നത്​. പരിസ്ഥിതി സംരക്ഷണ പ്രവർത്തനങ്ങൾക്കാണ്​​ കണ്ണൂർ കേന്ദ്രമായി പ്രവർത്തിക്കുന്ന കല്ലെൻ പൊക്കുടൻ മാൻഗ്രൂവ് ട്രീ ട്രസ്റ്റിന്​ സത്കർമ പുരസ്കാരം. 26 ന് കൊല്ലത്ത് നടക്കുന്ന ചടങ്ങിൽ പുരസ്​കാരം സമർപ്പിക്കും. വാർത്തസമ്മേളനത്തിൽ സത്കർമ പ്രസിഡന്റ് സി. വിജയകുമാർ, സെക്രട്ടറി ഡോ.കെ.കെ. തോമസ്, ട്രഷറർ പി.റ്റി. എബ്രഹാം, പുരസ്കാര സമിതി കൺവീനർ അഡ്വ. ടി. രഘുനാഥൻ നായർ, കെ. വിമൽകുമാർ, ബി. രാജീവ് തുടങ്ങിയവർ പങ്കെടുത്തു.