'മികവ്​ 2021-22' സംഘടിപ്പിച്ചു

കൊട്ടിയം: പൗരവേദിയുടെ ആഭിമുഖ്യത്തിൽ 'മികവ് 2021-22' സംഘടിപ്പിച്ചു. കൊട്ടിയം വ്യാപാരഭവനിൽ നടന്ന പരിപാടിയിൽ ഹൈകോടതി ജഡ്ജി ജസ്റ്റിസ്‌ എ. ബദറുദീന്​ സ്വീകരണം നൽകി. ത്രിവേണി സംഗമം പോലെ മൂന്ന് പഞ്ചായത്തുകളുടെ ഭാഗമായിപ്പോയ കൊട്ടിയത്തിന്‍റെ സ്ഥിതിക്ക്​ മാറ്റം വന്ന്​ വികസനമുണ്ടാകാൻ കൂട്ടായ ശ്രമം വേണമെന്ന്​ ജസ്റ്റിസ്‌ എ. ബദറുദീൻ പറഞ്ഞു. വിദ്യാഭ്യാസ രംഗത്ത് മികവ് പുലർത്തിയവരെ ശ്രീനാരായണ പോളിടെക്‌നിക് പ്രിൻസിപ്പൽ വി. അജിത് അനുമോദിച്ചു. പൗരവേദി അംഗങ്ങൾക്കായി ഏർപ്പെടുത്തിയ അപകട ഗ്രൂപ്​ ഇൻഷുറൻസ് പോളിസി വിതരണം ഹോളിക്രോസ് ആശുപത്രി അത്യാഹിത വിഭാഗം മേധാവി ഡോ. ആതുരദാസ് നിർവഹിച്ചു. പൗരവേദി പ്രസിഡന്റ്‌ അഡ്വ. കൊട്ടിയം എൻ. അജിത്കുമാർ അധ്യക്ഷത വഹിച്ചു. കൊട്ടിയം മെർച്ചന്‍റ്​ അസോസിയേഷൻ സെക്രട്ടറി എസ്. കബീർ, പൗരവേദി സെക്രട്ടറി നൂറുദീൻ കൊട്ടിയം, ബിജു സൂര്യ, അലൻ വിൽഫ്രഡ്‌, സാജൻ കവറാട്ടിൽ, നിഷാദ് കമറുദീൻ, ഷോബി ബ്രഹ്മാനന്ദൻ, ഗിൽ, ബിനോ ഭാർഗവൻ, അജിത് ഗോപിനാഥ്, ശ്യാം പീതാംബരൻ, ആർ. അയ്യപ്പൻ എന്നിവർ സംസാരിച്ചു.