മെറിറ്റ് ഈവനിങ്​ 20ന്​

കൊട്ടാരക്കര: എസ്​.എസ്​.എൽ.സി, പ്ലസ്​ ടു പരീക്ഷകളിൽ ഈ വർഷം ഫുൾ എ പ്ലസ്​ നേടിയ കൊട്ടാരക്കര മണ്ഡലത്തിൽ താമസിക്കുന്ന വിദ്യാർഥികളെ ആദരിക്കാൻ മന്ത്രി കെ.എൻ. ബാലഗോപാൽ മെറിറ്റ് ഈവനിങ്​ സംഘടിപ്പിക്കും. 20ന് വൈകീട്ട് മൂന്നിന്​ കൊട്ടാരക്കര മാർത്തോമ ജൂബിലി മന്ദിരം ഹാളിലാണ് ചടങ്ങ്. അർഹരായവർ മാർക്ക് ലിസ്റ്റിന്‍റെ പകർപ്പ്, ഫോട്ടോ എന്നിവ സഹിതം അതത് സ്​കൂൾ പ്രിൻസിപ്പൽ, ഹെഡ്മാസ്റ്റർ എന്നിവർക്ക് 11ന് രാവിലെ 11ന് മുമ്പ് അപേക്ഷ നൽകണം. കൂടാതെ മണ്ഡലത്തിലെ സി.ബി.എസ്​.ഇ, ഐ.സി.എസ്​.ഇ, സ്​കൂളുകളിൽ 10, 12 പരീക്ഷയിൽ ആദ്യത്തെ അഞ്ച് റാങ്ക് കരസ്​ഥമാക്കിയവർ, കേരളത്തിലെ യൂനിവേഴ്സിറ്റി പരീക്ഷകളിൽ ആദ്യ റാങ്ക് കരസ്​ഥമാക്കിയവർ, പിഎച്ച്.ഡി കരസ്​ഥമാക്കിയവർ എന്നിവരെയും അനുമോദിക്കും. ഫോൺ: 9447451566, 9567367419. പന്നിഫാം മാറ്റിസ്ഥാപിക്കാത്തതിൽ ഉപരോധം (ചിത്രം) കൊട്ടാരക്കര: വെട്ടിക്കവല ഗ്രാമപഞ്ചായത്തിൽ പനവേലി എം.സി റോഡ് സൈഡിൽ മഞ്ചാടി പണംപള്ളിക്ക് സമീപം അനധികൃതമായി പ്രവർത്തിക്കുന്ന പന്നിഫാം മാറ്റിസ്​ഥാപിക്കാൻ നടപടി എടുക്കാത്ത വെട്ടിക്കവല ഗ്രാമപഞ്ചായത്ത് അധികാരികളുടെ നീക്കത്തിൽ പ്രതിഷേധിച്ച് പ്രദേശവാസികൾ പഞ്ചായത്ത് ഓഫിസിന്​ മുന്നിൽ ഉപരോധം നടത്തി. കൊട്ടാരക്കര സി.ഐയുടെ നിർദേശപ്രകാരം എസ്​.ഐ അജയകുമാറിന്‍റെ സാന്നിധ്യത്തിൽ ഉദ്യോഗസ്ഥരുമായി സംസാരിച്ച് 48 മണിക്കൂറിനുള്ളിൽ പന്നിഫാം മാറ്റിസ്ഥാപിക്കാമെന്ന് ഉറപ്പ് ലഭിച്ചതിനുശേഷമാണ് സമരക്കാർ പിന്തിരിഞ്ഞത്. സമരത്തിന് നിരപ്പിൽ വാർഡ് മെംബർ അനിമോൻ കോശി, ടി.എസ്​. ജയചന്ദ്രൻ, ബിനു മാത്യു, ഷാൻ പനവേലി, എസ്​. രാഘവൻ, ദീപാ നിരപ്പിൽ, അജി വെട്ടിക്കവല, രതീഷ് നിരപ്പിൽ എന്നിവർ നേതൃത്വം നൽകി.