ജില്ലതല നീന്തല്‍ മത്സരങ്ങള്‍ നാളെ (മെയ് 15)

ജില്ലതല നീന്തല്‍ മത്സരങ്ങള്‍ നാളെ കൊല്ലം: ജില്ല അക്വാട്ടിക് അസോസിയേഷന്‍റെ ആഭിമുഖ്യത്തില്‍ സംഘടിപ്പിക്കുന്ന ജൂനിയര്‍/സബ്ജൂനിയര്‍ ജില്ലതല നീന്തല്‍ മത്സരങ്ങള്‍ ഞായാറാഴ്ച രാവിലെ ഒമ്പത് മുതല്‍ പള്ളിമുക്ക് അഡ്ലര്‍ സ്വിമ്മിങ്​ പൂളില്‍ നടക്കും. മേയര്‍ പ്രസന്ന ഏണസ്റ്റ് ഉദ്ഘാടനം നിര്‍വഹിക്കും. എം. നൗഷാദ് എം.എല്‍.എ കഴിഞ്ഞ വര്‍ഷത്തെ സംസ്ഥാന-ജില്ലതല വിജയികളെ അനുമോദിക്കും. അപേക്ഷയിലെ തെറ്റ് തിരുത്താം കൊല്ലം: വനം വന്യജീവി വകുപ്പില്‍ വനാശ്രിതരായ ആദിവാസി വിഭാഗത്തില്‍ നിന്ന്​ ബീറ്റ് ഫോറസ്റ്റ് ഓഫിസര്‍ തസ്തികയിലേക്ക് 92/2022, 93/2022 കാറ്റഗറി നമ്പറുകളില്‍ അപേക്ഷ സമര്‍പ്പിച്ചവരില്‍, ജില്ല തെറ്റായി രേഖപ്പെടുത്തിയവര്‍ക്ക്, തിരുത്തലിന്​ പി.എസ്.സി അവസരം നല്‍കിയിട്ടുണ്ട്. കൈവശാവകാശരേഖ/ റേഞ്ച് ഫോറസ്റ്റ് ഓഫിസറില്‍ നിന്നുള്ള സര്‍ട്ടിഫിക്കറ്റ് എന്നിവയില്‍ ഏതെങ്കിലുമൊന്ന് പ്രൊഫൈല്‍ മുഖേന സമര്‍പ്പിച്ച്​ ശരിയായ ജില്ല രേഖപ്പെടുത്താം. അവസാനതീയതി ​േമയ് 18.