എക്സ്-സർവിസസ് ലീഗ് പ്രതിനിധി സമ്മേളനം

കൊല്ലം: കേരള സ്റ്റേറ്റ് എക്സ്-സർവിസസ് ലീഗ്​ സംസ്ഥാന പ്രതിനിധി സമ്മേളനം ഈ മാസം 14ന്​ സി.എസ്.ഐ കൺവെൻഷൻ സെന്‍ററിൽ നടക്കും. രാവിലെ 10 മുതൽ മഹിളവിങ്​ ഗവേണിങ്​ കൗൺസിൽ യോഗവും ഉച്ചക്ക് 2.30 മുതൽ സ്റ്റേറ്റ് എക്സ്-സർവിസസ് ലീഗ്​ സംസ്ഥാന കമ്മിറ്റി യോഗവും നടക്കും.15ന്​ രാവിലെ 9.30 മുതൽ സംസ്ഥാന ഗവേണിങ്​ കൗൺസിൽ യോഗവും നടക്കും. ജില്ല പ്രസിഡന്‍റ്​ ബി. ശശിധരക്കുറുപ്പ്​, സെക്രട്ടറി സി. രാജശേഖരൻ നായർ, ട്രഷറർ ശിവദാസൻ നായർ, അരവിന്ദാക്ഷൻ നായർ, ദേവൻ നായർ എന്നിവർ വാർത്തസമ്മേളനത്തിൽ പരിപാടികൾ വിശദീകരിച്ചു. must പോളിടെക്‌നികിന്‍റെ മുഴുവൻ ആവശ്യത്തിനുമുതകുന്ന സൗരോര്‍ജനിലയവുമായി വിദ്യാർഥികൾ കൊല്ലം: തങ്ങളുടെ വിദ്യാഭ്യാസ സ്ഥാപനത്തിന്‍റെ മുഴുവൻ ആവശ്യത്തിനുമുതകുന്ന സൗരോര്‍ജനിലയവുമായി വിദ്യാർഥികൾ. ഫാത്തിമാ മെമ്മോറിയല്‍ എജ്യൂക്കേഷണല്‍ ട്രസ്റ്റിന്റെ കീഴിലുള്ള തലച്ചിറ യൂനുസ് കോളജ് ഓഫ് പോളിടെക്‌നികിലെ അവസാന വർഷ ഇലക്ട്രിക്കല്‍ വിദ്യാർഥികളാണ്​ 20 കിലോവാട്ടിന്‍റെ സൗരോര്‍ജനിലയം നിർമ്മിച്ചത്​. ഇതിലൂടെ കോളജിന്റെ ഊർജ്ജാവശ്യം പൂര്‍ണ്ണമായും നിറവേറ്റാനാവും. ഊര്‍ജ്ജ സ്വയം പര്യാപ്തയുള്ള സ്ഥാപനമായി യൂനുസ് കോളെജ് ഓഫ് പോളിടെക്‌നിക്കിനെ മാറ്റുക എന്ന ലക്ഷ്യത്തോടെ, അന്തരിച്ച ചെയർമാൻ മുൻ എം.എൽ.എ എ.യൂനസ്​ കുഞ്ഞ്​ വിദ്യാര്‍ത്ഥികളെ അതിന്​ പ്രേരിപ്പിച്ചതിലൂടെയാണ്​ ഈ ലക്ഷ്യം നേടാനായതെന്ന്​ ട്രസ്റ്റ്​ ഭാരവാഹികൾ വാർത്ത സമ്മേളനത്തിൽ പറഞ്ഞു. വലിയ ബില്‍ഡിംഗ് കോംപ്ലക്‌സുകളിലും വിദേശശരാജ്യങ്ങിലും കണ്ടുവരുന്ന ഫയർ അലാം പ്രൊട്ടക്​ഷൻ സിസ്റ്റമാണ്​ ഇലക്‌ട്രോണിക്‌സ് ആന്‍ഡ് കമ്മ്യൂണിക്കേഷന്‍സിലെ വിദ്യാര്‍ത്ഥികൾ തയാറാക്കിയത്​. ഇവയുടെ ഉദ്​ഘാടനം 14ന്​ രാവിലെ 10 ന്​ കെ.ബി ഗണേഷ്‌കുമാർ എം.എൽ.എയും സാ​ങ്കേതിക സർവകലാശാല പ്രൊ വൈസ്​ ചാൻസിലർ ഡോ.എസ്​.അയൂബും നിർവഹിക്കും. ഫാത്തിമാ മെമ്മോറിയല്‍ എജ്യൂക്കേഷണല്‍ ട്രസ്റ്റിന്റെ എല്ലാ സ്ഥാപനങ്ങളേയും ഊർജ്ജ സ്വയം പര്യാപ്തതയിലേക്ക് എത്തിക്കുകയാണ്​ ലക്ഷ്യമെന്ന് വൈസ് ചെയര്‍മാന്‍ നൗഷാദ് യൂനുസ് വാര്‍ത്താ സമ്മേളനത്തില്‍ പറഞ്ഞു. കോളേജ്​ വൈസ് ചെയര്‍മാന്‍ ഹാഷിം യൂനുസ്, പ്രിൻസിപ്പൽ ഡോ.എസ്​.ഷഹസദ്​, വൈസ്​ പ്രിൻസിപ്പൽ മുനീറ ഹാഷിം, പ്ലേസ്​മൻെറ്​​ ഓഫീസർ മുകേഷ്​.എം എന്നിവര്‍ വാര്‍ത്ത സമ്മേളനത്തില്‍ പങ്കെടുത്തു.