ഓടിക്കൊണ്ടിരുന്ന കോളജ് ബസിന് തീപിടിച്ചു; അപകടം ഒഴിവായത് തലനാരിഴക്ക്​

ചാത്തന്നൂർ: . തിങ്കളാഴ്ച വൈകീട്ട്​ ആറരയോടെ ചാത്തന്നൂർ നിന്ന്​ പരവൂരിലേക്ക് പോകുകയായിരുന്ന പെരുമൺ എൻജിനീയറിങ്​ കോളജിന്‍റെ ബസിനാണ് മീനാട് ധർമശാസ്താക്ഷേത്രത്തിന് സമീപം തീപിടിച്ചത്. തീപ്പൊരി പറക്കുന്നത് കണ്ട് നാട്ടുകാർ ഡ്രൈവറുടെ ശ്രദ്ധയിൽപെടുത്തുകയും വാഹനം നിർത്തി തീയണക്കുകയും ചെയ്തു. വിദ്യാർഥികളും അധ്യാപകരും ഡ്രൈവറും അടക്കം പതിനാറോളം പേർ ബസിൽ ഉണ്ടായിരുന്നു. വാഹനത്തിലുണ്ടായിരുന്നവർ പെട്ടെന്ന് തന്നെ ബസിൽ നിന്ന്​ ഇറങ്ങുകയും നാട്ടുകാർ തീ പടരാതിരിക്കാൻ വെള്ളം ഒഴിക്കുകയും ചെയ്തതോടെ വൻ അപകടം ഒഴിവായി. വൈദ്യുതി ഷോർട്ട്​ സർക്യൂട്ടാണ് തീപിടിക്കാനുള്ള കാരണം. ചാത്തന്നൂർ പൊലീസ് കേസെടുത്ത് വാഹനം പൊലീസ് സ്റ്റേഷനിലേക്ക് മാറ്റി.