ഡോ. സുകുമാർ അഴീക്കോട്-തത്ത്വമസി പുരസ്‌കാരം ​എൻ.കെ.​​പ്രേമചന്ദ്രന്​

കൊല്ലം: തത്ത്വമസി സാംസ്‌കാരിക അക്കാദമിയുടെ ഡോ. സുകുമാർ അഴീക്കോട്-തത്ത്വമസി പുരസ്‌കാരത്തിന്​ എൻ.കെ. പ്രേമചന്ദ്രൻ എം.പി അർഹനായി.11111 രൂപയും ഫലകവും അടങ്ങുന്നതാണ് പുരസ്‌കാരം. 14ന് കൊല്ലം പബ്ലിക് ലൈബ്രറി ഹാളിൽ (സരസ്വതി ഹാൾ) അക്കാദമി രക്ഷാധികാരി ജസ്റ്റിസ് കെമാൽ പാഷ പുരസ്​കാരം സമ്മാനിക്കും. മുല്ലക്കര രത്‌നാകരൻ, കുരീപ്പുഴ ശ്രീകുമാർ, എം. നൗഷാദ് എം.എൽ.എ തുടങ്ങിയവർ പങ്കെടുക്കും. അക്കാദമി രക്ഷാധികാരി റിട്ട. ജസ്റ്റിസ് കെമാൽ പാഷ, ചെയർമാൻ ടി.ജി. വിജയകുമാർ എന്നിവരടങ്ങുന്ന സമിതിയാണ്​ അവാർഡ്​ നിശ്ചയിച്ചത്​. സമഗ്ര സംഭാവനക്ക്​ ഡോ. ഓമന ഗംഗാധരൻ, ഡോ. സരസ്വതി ഷംസുദ്ദീൻ, വിജയകുമാരി, മിനു പ്രേം, സുഗത പ്രമോദ്, പ്രഫ. വി. ഹർഷകുമാർ എന്നിവരും അർഹരായി. ചെയർമാൻ ടി.ജി. വിജയകുമാർ, സെക്രട്ടറി വി.വി. ജോസ്​ കല്ലട, ശിവരാജൻ കോവിലഴികം എന്നിവർ വാർത്തസമ്മേളനത്തിൽ പ​ങ്കെടുത്തു.