ഹൈമാസ്റ്റ് ലൈറ്റുകൾ ഉദ്ഘാടനം ചെയ്തു

കരുനാഗപ്പള്ളി: മുൻ എം.എൽ.എ ആർ. രാമചന്ദ്രന്‍റെ ആസ്തി വികസന ഫണ്ടിൽ നിന്ന്​ അനുവദിച്ച ഹൈമാസ്റ്റ് ലൈറ്റുകളുടെ ഉദ്ഘാടനം നടന്നു. കരുനാഗപ്പള്ളി നഗരസഭയിലെ മുഴങ്ങോട്ടുവിള ജങ്​ഷൻ, വായനശാല ജങ്​ഷൻ, ആന്തലസ് പബ്ലിക് സ്കൂൾ ജങ്​ഷൻ, കോട്ടക്കുഴി തൈക്കാവ് ജങ്​ഷൻ എന്നിവിടങ്ങളിൽ നിർമാണം പൂർത്തിയാക്കിയ ഹൈമാസ്റ്റ് ലൈറ്റുകളുടെ ഉദ്ഘാടനമാണ് നടന്നത്. ആർ. രാമചന്ദ്രൻ സ്വിച്ചോൺ നിർവഹിച്ചു. നഗരസഭ ചെയർമാൻ കോട്ടയിൽ രാജു, എ. ഷംസുദ്ദീൻകുഞ്ഞ്, ജെ. അസ്​ലം, പി. പുഷ്പാംഗദൻ, അബ്ദുൽ സലാം, കെ.എസ്. ഷറഫുദ്ദീൻ മുസ്‌ലിയാർ എന്നിവർ പങ്കെടുത്തു.