കോൺഗ്രസ് ​പ്രതിഷേധ സദസ്സ്​

കൊട്ടാരക്കര: നെടുവത്തൂർ ഗ്രാമപഞ്ചായത്ത് വൈസ്​ പ്രസിഡന്‍റ് ജലജ സുരേഷിനെ അധിക്ഷേപിക്കുകയും കൈയേറ്റം ചെയ്യാൻ ശ്രമിക്കുകയും ചെയ്തതിനെതിരെ കോൺഗ്രസ്​ മണ്ഡലം കമ്മിറ്റികളുടെ നേതൃത്വത്തിൽ പ്രതിഷേധ സദസ്സ്​ നടത്തി. യു.ഡി.എഫ് പഞ്ചായത്ത് സമിതി ചെയർമാൻ ആനക്കോട്ടൂർ ഗോപകുമാർ അധ്യക്ഷത വഹിച്ചു. എ.ഐ.സി.സി. അംഗം ബിന്ദുകൃഷ്ണ ഉദ്ഘാടനം ചെയ്തു. എഴുകോൺ നാരായണൻ, ഡി.സി.സി ജനറൽ സെക്രട്ടറിമാരായ പി. ഹരികുമാർ, സവിൻ സത്യൻ, ബ്ലോക്ക് പ്രസിഡന്‍റ് കെ. മധുലാൽ, ജെ.എസ്​.എസ്​ ജില്ല സെക്രട്ടറി സുധാകരൻ പള്ളത്ത്, നെടുവത്തൂർ ചന്ദ്രശേഖരൻ, പഞ്ചായത്ത് പ്രസിഡന്‍റ് ആർ. സത്യഭാമ, ശോഭ പ്രശാന്ത്, സുഗതകുമാരി, സുഹർബാൻ, രതീഷ് എന്നിവർ സംസാരിച്ചു.