ഡോ. ഫസൽ ഗഫൂറിന് ആദരവ്

കൊല്ലം: എം.ഇ.എസ്​ സംസ്​ഥാന നേതൃത്വത്തിൽ 21 വർഷമായി പ്രവർത്തിക്കുകയും ആറാംതവണയും സംസ്​ഥാന പ്രസിഡന്‍റായി തെരഞ്ഞെടുക്കപ്പെടുകയും ചെയ്ത ഡോ. ഫസൽ ഗഫൂറിന് കൊല്ലത്ത് പൗരസ്വീകരണം നൽകും. ഞായറാഴ്ച വൈകീട്ട്​ 4.30ന് കൊല്ലം പബ്ലിക് ലൈബ്രറി ഹാളിൽ എൻ.കെ. പ്രേമചന്ദ്രൻ എം.പി ഉദ്ഘാടനം ചെയ്യും. എം. മുകേഷ് എം.എൽ.എ ഉപഹാര സമർപ്പണം നടത്തും. എം.ഇ.എസ് ​ജില്ല പ്രസിഡന്‍റ് എം. ഇബ്രാഹിംകുട്ടി അധ്യക്ഷത വഹിക്കും.​ സംസ്​ഥാന വൈസ്​ പ്രസിഡന്‍റായി തെരഞ്ഞെടുക്കപ്പെട്ട എം. വഹാബ്, സംസ്​ഥാന സ്റ്റാൻഡിങ് കമ്മിറ്റി ചെയർമാന്മാരായ പ്രഫ.പി.ഒ.ജെ. ലബ്ബ, ഡോ. കെ.എ. ഹാഷിം, സംസ്​ഥാന കമ്മിറ്റി അംഗങ്ങളായ കോഞ്ചേരി ഷംസുദ്ദീൻ, ഡോ. ബി. അബ്ദുൽസലാം, ജെ. കമർസമാൻ എന്നിവരെ ചടങ്ങിൽ ആദരിക്കും.