സാമ്പ്രാണിക്കോടിയില്‍ ശുചീകരണം നടത്തി

കൊല്ലം: ജില്ല ടൂറിസം പ്രമോഷന്‍ കൗണ്‍സിലിന്‍റെയും സ്വകാര്യ ബോട്ട് ജീവനക്കാരുടെയും ആഭിമുഖ്യത്തില്‍ സാമ്പ്രാണിക്കോടി ഐലൻഡില്‍ ശുചീകരണ പ്രവര്‍ത്തനം നടത്തി. തുരുത്ത് സന്ദര്‍ശിക്കാന്‍ എത്തുന്ന ടൂറിസ്റ്റുകളുടെ സുരക്ഷയെ മുന്‍നിര്‍ത്തി നടത്തിയ ശുചീകരണ യജ്ഞത്തില്‍ ഡി.ടി.പി.സിയിലെ ക്ലീനിങ്​ ജീവനക്കാരും സ്വകാര്യ ബോട്ട് ജീവനക്കാരും പ​ങ്കെടുത്തു. വളന്‍റിയേഴ്‌സിന് നിസ്സാരമായ പരിക്കുകള്‍ പറ്റിയെങ്കിലും അവയെല്ലാം മറികടന്ന് ശുചീകരണ പ്രവര്‍ത്തനം വിജയത്തില്‍ എത്തിക്കാന്‍ സാധി​െച്ചന്ന് ഡി.ടി.പി.സി സെക്രട്ടറി രമ്യ ആര്‍. കുമാര്‍ പറഞ്ഞു. ------------------------ വായ്പ കുടിശ്ശികയുടെ പേരിൽ യുവാവിനെ ആക്രമിച്ച ധനകാര്യസ്ഥാപന ജീവനക്കാരൻ​ പിടിയിൽ കൊല്ലം: വായ്പ തിരിച്ചടവ്​ മുടക്കം വരുത്തിയ യുവാവിനെ ആക്രമിച്ച്​ മുഖാസ്ഥിയും മൂക്കെല്ലും തകർത്ത സ്വകാര്യ ധനകാര്യ സ്ഥാപന ജീവനക്കാരനെ അറസ്റ്റ് ചെയ്തു. കൊല്ലം കുരീപ്പുഴ മഠത്തിൽ വീട്ടിൽ സുധിൻ ചന്ദ്രൻ (21) ആണ് പിടിയിലായത്. ശക്തികുളങ്ങര മീനത്ത് ചേരി സ്വദേശി ഹിലാരിയാണ് ആക്രമിക്കപ്പെട്ടത്. കടപ്പാക്കടയിലുള്ള സ്വകാര്യ ധനകാര്യ സ്ഥാപനത്തിൽനിന്ന്​ ഇയാൾ 180000 രൂപ വായ്പയെടുത്തിരുന്നു. മാസം 6080 രൂപ വീതമുള്ള തിരിച്ചടവിന്‍റെ തവണ മുടങ്ങിയതിനെ തുടർന്ന് പ്രതി ഹിലാരിയുടെ വീട്ടിലെത്തുകയായിരുന്നു. തവണ മുടക്കിയതിന് അസഭ്യം പറഞ്ഞ ഇയാൾ ഹെൽമറ്റ് കൊണ്ട് ആക്രമിക്കുകയായിരുന്നു. യുവാവ് കൊല്ലത്തെ സ്വകാര്യ ആശുപത്രിയിൽ ചികിത്സയിലാണ്. രാമൻകുളങ്ങര നിന്നാണ്​ പ്രതിയെ പിടികൂടിയത്​. പ്രതിയെ റിമാൻഡ്​ ചെയ്തു. ശക്തികുളങ്ങര ഇൻസ്​പെക്ടർ യു. ബിജുവിന്‍റെ നേതൃത്വത്തിൽ എസ്​.ഐമാരായ ഷാജഹാൻ, രാധാകൃഷ്ണ പിള്ള, എ.എസ്​.ഐമാരായ അനിൽകുമാർ, ഡാർവിൻ, പ്രദീപ്, സി.പി.ഒമാരായ രാജേഷ് എന്നിവരടങ്ങിയ സംഘമാണ് ഇയാളെ പിടികൂടിയത്.