പി.കെ.എസ്​ ജില്ല സമ്മേളനം ആരംഭിച്ചു

കുണ്ടറ: ബി.ജെ.പി സർക്കാർ ദലിത് വിരുദ്ധനയങ്ങൾ നടപ്പാക്കുന്നവരാണെന്ന് പി.കെ.എസ്​ സംസ്ഥാന സെക്രട്ടറി കെ. സോമപ്രസാദ്. പി.കെ.എസ് ജില്ല സമ്മേളനം കുണ്ടറയിൽ ഉദ്ഘാടനം ചെയ്യുകയായിരുന്നു അദ്ദേഹം. പെരിനാട് വിപ്ലവം ഉൾപ്പെടെ നിരവധി സമരങ്ങലിലൂടെയാണ് ദലിതർ മുഖ്യധാരയിലെത്തിയത്. സി.പി.എമ്മിനെ പോലെയുള്ള ഒരു പാർട്ടി പി.കെ.എസ്​ പോലെയുള്ള ഒരു സംഘടന ഉണ്ടാക്കുന്നത് കമ്യൂണിസ്റ്റ് വിരുദ്ധമല്ലേ എന്ന സംശയത്തിന് വകയില്ല. വർഗസമരങ്ങളുടെ പാർട്ടി വർഗ ബഹുജന സംഘടനകൾ രൂപവത്കരിക്കുന്നത് ആ വിഭാഗങ്ങളുടെ ഉന്നമനത്തിന് ഗതിവേഗം കൂട്ടാനാണ്. ജില്ല പ്രസിഡന്‍റ്​ ​ഡി. ജയകുമാർ അധ്യക്ഷതവഹിച്ചു. സി.പി.എം ജില്ല സെക്രട്ടറി എസ്​. സുദേവൻ, പി.കെ.എസ്​ സംസ്​ഥാന ട്രഷറർ വണ്ടിത്തടം മധു, സംസ്ഥാന കമ്മിറ്റി അംഗങ്ങളായ ബി. സത്യൻ, സി. തങ്കപ്പൻ, പി.എ. എബ്രഹാം, സി.പി.എം കുണ്ടറ ഏരിയ സെക്രട്ടറി എസ്​.എൽ. സജികുമാർ എന്നിവർ പങ്കെടുത്തു. 325 പ്രതിനിധികൾ സമ്മേളനത്തിൽ പങ്കെടുത്തു. വെള്ളിയാഴ്ച വൈകീട്ട് നടക്കുന്ന പൊതുസമ്മേളനം പി.കെ.എസ് സംസ്​ഥാന പ്രസിഡന്‍റ് ​എസ്​. അജയകുമാർ ഉദ്ഘാടനം ചെയ്യും.