ആശ്രാമം മൈതാനമാകെ മാലിന്യം

ചി​​ത്രം- കൊല്ലം: കൊല്ലം പൂരം നടന്ന ആശ്രാമം മൈതാനത്ത് മാലിന്യം ഉപേക്ഷിക്കപ്പെട്ടനിലയിൽ. തെർമോകോൾ കപ്പുകൾ, പ്ലാസ്റ്റിക് സ്പൂണുകൾ, പേപ്പർ കപ്പുകൾ, പാക്കിങ് സാമഗ്രികൾ തുടങ്ങിയവ മൈതാനത്താകെ ചിതറി കിടക്കുകയാണ്​. പേപ്പർ പാക്കറ്റുകൾ ഉൾപ്പടെയുള്ളവ വേർതിരിച്ച് ശേഖരിച്ചാൽ മാത്രമേ, പുനരുപയോഗത്തിന്​ സാധ്യമാവൂ. മാലിന്യം നീക്കം ചെയ്യാനുള്ള ​നടപടികളൊന്നും ബന്ധപ്പെട്ടവരുടെ ഭാഗത്തുനിന്നുണ്ടായിട്ടില്ല. മഴ പെയ്യുന്നതോടെ മാലിന്യം മണ്ണിൽ കുതിർന്നു കിടക്കുകയാണ്​. ദിവസങ്ങൾ കഴിയുന്നതോടെ ഇതു​ നീക്കം ചെയ്യാനും പ്രയാസകരമാവും. പൂർണമായും നീക്കം ചെയ്യാൻ കഴിയാതെയുമാവും. ഹരിത പ്രോട്ടോകോൾ പാലിച്ചാവും പൂരമെന്നായിരുന്നു പറഞ്ഞിരുന്നതെങ്കിലും അതൊന്നും പാലിക്കപ്പെട്ടതായി മൈതാനം കണ്ടാൽ തോന്നില്ല.