വാഹനവും പണവുമായി കടന്ന തൊഴിലാളിയെ പിടികൂടി

പത്തനാപുരം: സിമന്‍റ് വാങ്ങാൻ നൽകിയ പണവും വാഹനവുമായി കടന്നയാളെ പിടികൂടി. പിറവന്തൂർ മനക്കുന്നിൽ വീട്ടിൽ ജയനാണ് പത്തനാപുരം പൊലീസിന്‍റെ പിടിയിലായത്. കഴിഞ്ഞ 11ന്​ ആണ് കേസിനാസ്പദമായ സംഭവം. പുന്നല കറവൂർ പടയണിപ്പാറ എസ്‌.ആർ സദനത്തിൽ ബിജുവാണ് പരാതിക്കാരൻ. ബിജുവിന്‍റെ പിതാവിന്‍റെ പേരിലുള്ള ജീപ്പും നിര്‍മാണ പ്രവര്‍ത്തനങ്ങള്‍ക്കായി സിമന്‍റ് വാങ്ങുന്നതിനായി ഏൽപിച്ച പണവുമായി പ്രതി കടക്കുകയായിരുന്നു. പരാതിയുടെ അടിസ്ഥാനത്തില്‍ പത്തനാപുരം എസ്‌.എച്ച്.ഒയുടെ നേതൃത്വത്തിലെ സംഘമാണ് അറസ്റ്റ് ചെയ്തത്.