ടിപ്പറുമായി ഇടിച്ച സ്കൂട്ടർ കാറിനടിയിലേക്ക് ഇടിച്ചുകയറി ഒരാൾക്ക്​ പരിക്ക്​

ചാത്തന്നൂർ: ദേശീയപാത ചാത്തന്നൂർ ജങ്​ഷൻ ഗ്രാമീണൻ ബാങ്കിന് സമീപം ടിപ്പർ ലോറിയുമായി ഇടിച്ച സ്കൂട്ടർ റോഡ് സൈഡിൽ പാർക്ക് ചെയ്തിരുന്ന കാറിനടിയിലേക്ക് ഇടിച്ചുകയറി. സ്കൂട്ടറിൽനിന്ന് തെറിച്ചുവീണ ചാത്തന്നൂർ താഴം സ്വദേശി ബൈജുവിന് നിസ്സാര പരിക്കേറ്റു. ഉച്ചക്ക്​ 12 ഓടെയായിരുന്നു അപകടം. ഗ്രാമീൺ ബാങ്കിന് സമീപത്തായി നിർത്തിയിട്ടിരുന്നതാണ് കാർ. ചാത്തന്നൂരിൽ നിന്ന് തിരുമുക്ക് ഭാഗത്തേക്ക്​ പോകുകയായിരുന്ന സ്കൂട്ടറിന്‍റെ പിൻഭാഗത്ത് ടിപ്പർ ലോറി ഇടിക്കുകയായിരുന്നു. ഇടിയുടെ ആഘാതത്തിൽ സൈഡിൽ പാർക്ക് ചെയ്തിരുന്ന കാറിനടിയിലേക്ക്​ സ്കൂട്ടറിടിച്ചുകയറുകയായിരുന്നു.