റമദാൻ വിശേഷം

പഴ വിപണി സജീവം (ചിത്രം) നോമ്പുതുറ കൂടി ലക്ഷ്യമാക്കി വിവിധ തരത്തിലുള്ള പഴങ്ങൾ വിൽപനക്കായെത്തി. വിവിധ രാജ്യങ്ങളിൽ നിന്നുള്ള ആപ്പിളുകളും, കിവിയും മുസമ്പിയുമൊക്കെ വിപണിയിലുണ്ട്.170 രൂപ മുതൽ 230 രൂപ വരെ വിലയുള്ള വിവിധയിനം ആപ്പിളുകളാണ് വിൽപനക്കെത്തിയിട്ടുള്ളത്. നോമ്പുതുറക്ക്​ ഉപയോഗിക്കുന്ന കിനു ഓറഞ്ചിന് 120 രൂപയും സാധാരണ ഓറഞ്ചിന് എമ്പതും തൊണ്ണൂറും രൂപയാണ് വില. മുസമ്പി കിലോക്ക്​ 70, പേരക്ക- 100, മാതളം- 140, പപ്പായ- 40, ഷമാം- 50 എന്നിങ്ങനെയാണ് വില. വിവിധതരം മുന്തിരികളും വിപണിയിലുണ്ട്. നോമ്പുകാലമായതോടെ ഫ്രൂട്ട്സ് കടകളിൽ വലിയ തിരക്കായിട്ടുണ്ട്. നോമ്പുതുറക്ക്​ പഴങ്ങൾ ഒഴിവാക്കാനാവാത്ത ഘടകമായതോടെ വിലയിലും വർധനയുണ്ടായിട്ടുണ്ട്.