ബീഡി വാങ്ങാൻ പണം നൽകാത്തതിന്​ മർദനം; ഒരാൾ കൂടി പിടിയിൽ

കൊല്ലം: ബീഡി വാങ്ങാൻ പണം നൽകാത്തതിന് യുവാവിന്‍റെ മൂക്കെല്ല് ഇടിച്ച് പൊട്ടിച്ച സംഘത്തിലെ ഒരാൾ കൂടി പിടിയിലായി. ശക്തികുളങ്ങര ഐശ്വര്യ നഗർ പെരുങ്ങുഴി ഹൗസിൽ എസ്. ശബരി (21) ആണ് പിടിയിലായത്. കഴിഞ്ഞ 23ന് വൈകീട്ട്​ സൈക്കിളിൽ ജോലി കഴിഞ്ഞ് വാടകയ്ക്ക് താമസിക്കുന്ന വീട്ടിലേക്ക് പോകുകയായിരുന്ന ശരത് എന്ന യുവാവാണ് അക്രമത്തിനിരയായത്. സംഭവത്തിനുശേഷം കടയ്ക്കാവൂരിലേക്ക് കടന്ന പ്രതികളിൽ ഒരാളായ ശ്യാമിനെ കഴിഞ്ഞ 28ന് പൊലീസ്​ പിടികൂടിയിരുന്നു. ശക്തികുളങ്ങര ഇൻസ്​പെക്ടർ യു. ബിജുവിന്‍റെ നേതൃത്വത്തിൽ സബ് ഇൻസ്​പെക്ടർ ഷാജഹാൻ, എ.എസ്.ഐ മാരായ പ്രദീപ്, ഡാർവിൻ, എസ്​.സി.പി.ഒ അജിത്ത് എന്നിവരടങ്ങിയ സംഘമാണ് പിടികൂടിയത്.