യാത്രാചെലവ്​ നൽകും

കൊല്ലം: ഫ്രാൻസിൽ നടക്കുന്ന ഇന്‍റർനാഷനൽ സ്​കൂൾ ഗെയിംസ്​ ജിംനാസ്റ്റിക്സ്​ ചാമ്പ്യൻഷിപ്പിൽ ആദ്യമായി കേരളത്തെ പ്രതിനിധീകരിക്കുന്ന ലെന നോർബർട്ടിന്​ യാത്രാചെലവിനത്തിൽ 50000 രൂപ കോർപറേഷൻ ഫണ്ടിൽ നിന്ന്​ മേയർ പ്രസന്ന ഏണസ്റ്റ് കൈമാറി. ഡെപ്യൂട്ടി മേയർ കൊല്ലം മധു, സ്റ്റാൻഡിങ്​ കമ്മിറ്റി ചെയർമാൻമാരായ ഗീതാകുമാരി, ഹണി, ഉദയകുമാർ അഡീഷനൽ സെക്രട്ടറി എസ്.എസ്​. സജി എന്നിവർ പങ്കെടുത്തു. ...kc+kw... വാക്-ഇന്‍ ഇന്‍റര്‍വ്യൂ ​​കൊല്ലം: കരുനാഗപ്പള്ളി സര്‍ക്കാര്‍ ആയുർവേദ ആശുപത്രിയില്‍ കേന്ദ്ര പ്രോജക്ടിലെ ഫാര്‍മസിസ്റ്റ് (ആയുര്‍വേദ) തസ്തികയിലേക്ക് താല്‍ക്കാലിക നിയമനം നടത്തുന്നതിനായി 21ന് രാവിലെ 11ന്​ ആശ്രാമത്തെ ഭാരതീയ ചികിത്സാ വകുപ്പ് ജില്ല മെഡിക്കല്‍ ഓഫിസില്‍ വാക്-ഇന്‍ ഇന്‍റര്‍വ്യൂ നടത്തും. 18നും 38നും മധ്യേ പ്രായമുള്ള ആയുര്‍വേദ മെഡിക്കല്‍ വിദ്യാഭ്യാസ വകുപ്പ് അംഗീകരിച്ച ആയുര്‍വേദ ഫാര്‍മസിസ്റ്റ് ട്രെയിനിങ് കോഴ്‌സ് പാസായവര്‍ക്ക് പങ്കെടുക്കാം. ഫോൺ: 0474 2763044.