റമദാൻ റിലീഫും മെഡിക്കൽ കാർഡ് വിതരണവും

ഓച്ചിറ: കേരള മുസ്​ലിം ജമാഅത്ത്, എസ്.വൈ.എസ്, എസ്.എസ്.എഫ് ഓച്ചിറ പടിഞ്ഞാറെതെരുവ് യൂനിറ്റിന്‍റെ ആഭിമുഖ്യത്തിൽ റമദാൻ റിലീഫ് വിതരണവും മെഡിക്കൽ കാർഡ് വിതരണവും നടത്തി. ഓച്ചിറ സബ് ഇൻസ്പെക്ടർ നിയാസ് എസ്.വൈ.എസ് പ്രവർത്തകൻ ഷമീർ പുത്തൻബംഗ്ലാവിന് നൽകി ഉദ്ഘാടനം ചെയ്തു. മെഡിക്കല്‍ കാർഡ് എസ്.വൈ.എസ് യൂനിറ്റ് പ്രവർത്തകൻ റിയാസ് മാമൂട്ടിൽ ഏറ്റുവാങ്ങി. കരുനാഗപ്പള്ളി സോൺ പ്രസിഡന്‍റ് അബ്ദുൽ റഷീദ് സഖാഫി പ്രാർഥനക്ക് നേതൃത്വം നല്‍കി. എസ്.വൈ.എസ് യൂനിറ്റ് പ്രസിഡന്‍റ് സത്താർ ഉസ്താദ് അധ്യക്ഷത വഹിച്ചു. കേരള മുസ്​ലിം ജമാഅത്ത് യൂനിറ്റ് സെക്രട്ടറി സൈനുദ്ദീൻ, എസ്.വൈ.എസ് സോൺ സെക്രട്ടറി സജാദ്, സുനീർ മാമൂട്ടിൽ, അനീസ് കവറാട്ട്, ഷമീർ അബ്ദുല്ല, സുധീർ ഓലകെട്ടി എന്നിവര്‍ പങ്കെടുത്തു.