പ്രാർഥനാ നിർഭരമായി ആദ്യ വെള്ളിയാഴ്ച

കൊല്ലം: റമദാനിലെ ആദ്യ വെള്ളിയാഴ്ചയിൽ പ്രാർഥനാ നിർഭരമായ മനസ്സും ശരീരവുമായി ആയിരങ്ങൾ ജുമുഅ നമസ്കാരത്തിന്‍റെ ഭാഗമായി. നഗരങ്ങളിലും ഗ്രാമപ്രദേശങ്ങളിലും പള്ളികളിൽ വലിയ തിരക്കാണ്​ അനുഭവപ്പെട്ടത്​. കഴിഞ്ഞ റമദാനിൽ ജുമുഅ ദിനങ്ങളിൽ പോലും ചുരുക്കം പേർക്കാണ്​ പള്ളികളിൽ നമസ്കാരത്തിൽ പ​ങ്കെടുക്കാൻ കഴിഞ്ഞിരുന്നത്​. ഇത്തവണ കുട്ടികൾ ഉൾപ്പെടെ പള്ളികളിലെത്തി.