ആശുപത്രി ജീവനക്കാര്‍ ഡോക്ടറെ ഉപരോധിച്ചു

കൊല്ലം: ജില്ല ആശുപത്രിയിലെ ജീവനക്കാരിയോട് ഡോക്ടര്‍ മോശമായി പെരുമാറിയതില്‍ നടപടിയെടുക്കാത്തതില്‍ പ്രതിഷേധിച്ച് . ചൊവ്വാഴ്ചയാണ് ആശുപത്രിയിലെ ജീവനക്കാരിയോട് സീനിയര്‍ കണ്‍സള്‍ട്ടന്‍റായ ബിജി.എസ്. ആനന്ദ് മോശമായി പെരുമാറിയതായി പരായിയുയർന്നത്​. സംഭവത്തെക്കുറിച്ച് ജീവനക്കാരി ആശുപത്രി സൂപ്രണ്ടിന് പരാതി നല്‍കിയിരുന്നെങ്കിലും നടപടി സ്വീകരിച്ചിരുന്നില്ല. മുമ്പും ഇതേ ഡോക്ടര്‍ക്കെതിരെ സമാനമായ പരാതികള്‍ ഉയര്‍ന്നിരുന്നെങ്കിലും ഒരു നടപടിയുമെടുത്തിരുന്നില്ല. ആശുപ്രതി മാനേജ്‌മെന്‍റ്​ കമ്മിറ്റി അംഗം എ.എം. ഇക്ബാല്‍ ഉപ​രോധം ഉദ്ഘാടനം ചെയ്തു. ആശുപത്രി ജീവനക്കാരായ ഗിരിജ, മോനിഷ, ആശുപ്രതി മാനേജ്‌മെന്‍റ്​ കമ്മിറ്റി അംഗങ്ങളായ നുജുമുദീന്‍ അഹമദ്, തടത്തിവിള രാധാകൃഷ്ണന്‍, എ.ആര്‍. ഷറഫുദ്ദീന്‍ എന്നിവര്‍ ഉപരോധത്തിന് നേതൃത്വം നല്‍കി.