ഓപറേഷൻ ഫോക്കസ് അലങ്കാര ലൈറ്റുകളും അനധികൃത മാറ്റങ്ങളും ക​ണ്ടെത്താൻ രാത്രികാല വാഹന പരിശോധന

രാത്രി ഏഴ്​ മുതൽ പുലർച്ച മൂന്ന്​ വരെയാണ് പരിശോധന കൊട്ടാരക്കര: വാഹനങ്ങളിൽ അലങ്കാര ലൈറ്റുകൾ അമിതമായി ഉപയോഗിച്ച് തീപിടിത്തം ഉണ്ടാകുന്ന സാഹചര്യത്തിൽ പരിശോധന ശക്തമാക്കി. ഓപറേഷൻ ഫോക്കസ് എന്ന പേരിൽ ചൊവ്വാഴ്​ച രാത്രി ആരംഭിച്ച പശിശോധന എട്ട്​, 12 തീയതികളിലും തുടരുമെന്ന്​ മോട്ടോർ വെഹിക്ക്​ൾസ്​ വകുപ്പ്​ ആർ.ടി.ഒ എൻഫോഴ്​സ്​മെന്റ് അറിയിച്ചു. രാത്രി ഏഴ്​ മുതൽ പുലർച്ച മൂന്ന്​ വരെയാണ് പരിശോധന. ആർ.ടി.ഒ, സബ് ആർ.ടി.ഒ ഓഫിസുകളിൽ നിന്ന് രണ്ട് എക്സിക്യൂട്ടിവ് ഉദ്യോഗസ്ഥരും എൻഫോഴ്​സ്​മെന്റ് വിഭാഗത്തിൽ നിന്ന് ഓരോ താലൂക്കിൽനിന്നുള്ള ടീമും പങ്കെടുക്കും. അലങ്കാര ലൈറ്റുകൾ, ഓഡിയോ, വിഡിയോ ഉപകരണങ്ങൾ എന്നിവയിൽ വയറിങ് ഫാർണസുകളിലും ബാറ്ററികളിലും വരുത്തുന്ന അനധികൃത മാറ്റം മൂലം വാഹനങ്ങൾ കത്തിനശിക്കുന്നത് തടയുന്നതിന്റെ ഭാഗമായാണ്​ പരിശോധന ആരംഭിച്ചത്. കണ്ണൂരിൽ നിന്നും കോളജ്​ വിദ്യാർഥികൾ വിനോദയാത്ര പോയ ബസ്​ ഗോവയിൽ ​െവച്ച്​ കത്തി നശിച്ചിരുന്നു. ക്രമക്കേടുകൾ കണ്ടെത്തുന്ന വാഹനങ്ങളിൽ നിന്ന് അനധികൃതമായി പിടിപ്പിച്ച ​െലെറ്റുകൾ, ഫിറ്റിങ് ഉപകരണങ്ങൾ എന്നിവ ഇളക്കി മാറ്റുന്നത് ഉടമയുടെ ഉത്തരവാദിത്തത്തിലാണ്. ശേഷം രജിസ്റ്ററിങ് അതോറിറ്റിക്ക് മുമ്പാകെ ഉടമ തന്നെ വാഹനം ഹാജരാക്കണം. നിശ്ചിത സമയപരിധിക്കുള്ളിൽ ഇത്തരം വാഹനങ്ങൾ ഹാജരാക്കാത്ത പക്ഷം രജിസ്ട്രേഷൻ സർട്ടിഫിക്കറ്റുകൾ ഉൾപ്പെടെ റദ്ദാക്കാനുള്ള നടപടികൾ സ്വീകരിക്കും.