ആലിയ മോൾക്ക് മജ്ജ മാറ്റിവെക്കാൻ തുക കൈമാറി

ഓച്ചിറ: നാടും നാട്ടാരും ഒരേ മനസ്സോടെ മുന്നിട്ടിറങ്ങിയപ്പോൾ മഠത്തിൽക്കാരാണ്മ പറക്കവയൽ പുത്തൻവീട്ടിൽ ഹസിം - ജാസ്മി ദമ്പതികളുടെ മകൾ ആലിയമോൾക്ക്​ (ആറ്​) മജ്ജ മാറ്റിവെക്കുന്നത്തിനായി തുക കണ്ടെത്താനായി. വെല്ലൂർ മെഡിക്കൽ കോളജിലാണ് ചികിത്സ നടക്കുന്നത്. ആലിയമോൾ ചികിത്സ സഹായ സമിതിയുടെ നേതൃത്വത്തിൽ സ്വരൂപിച്ച 15 ലക്ഷത്തി ഇരുപത്തിയ്യായിരം രൂപ പിതാവിന് സി.ആർ. മഹേഷ്‌ എം.എൽ.എ കൈമാറി. പഞ്ചായത്ത്‌ പ്രസിഡന്‍റ് ബി. ശ്രീദേവി അധ്യക്ഷത വഹിച്ചു. സമിതി ചെയർമാൻ എച്ച്. ഹബീബുല്ല, കൺവീനർ മാളു സതീഷ്, അയ്യാണിക്കൽ മജീദ്, ബി.എസ്. വിനോദ്, അൻസാർ മലബർ, മിനി പൊന്നൻ, എ. അജ്മൽ, സതീഷ് പള്ളേമ്പിൽ, ഗോപി പള്ളിയിൽ എന്നിവർ സംസാരിച്ചു.