അൻവാർശ്ശേരി മസ്ജിദ് ഉദ്ഘാടനം ചെയ്തു

ശാസ്താംകോട്ട: അൻവാർ സ്ഥാപനങ്ങൾക്ക് തുടക്കം കുറിച്ച്​ ആരംഭിച്ച നമസ്കാരപള്ളി പുനർനിർമിച്ചതിന്റെ ഉദ്ഘാടനം നമസ്കാരത്തിന് നേതൃത്വം നൽകി ദക്ഷിണ കേരള ജംഇയ്യതുൽ ഉലമ പ്രസിഡന്റ് കെ.പി. അബൂബക്കർ ഹസ്രത്ത് നിർവഹിച്ചു. ചേലക്കുളം അബ്ദുൽ ഹമീദ് മൗലവി അധ്യക്ഷത വഹിച്ചു. തടിക്കാട് സഈദ് ഫൈസി ഉദ്ബോധന പ്രസംഗവും അബ്ദുന്നാസിർ മഅ്​ദനി റമദാൻ സന്ദേശവും നൽകി. യാസർ അരാഫത്ത് അമാനി, പട്ടാമ്പി മുഹമ്മദ് മൗലവി, അഹമ്മദ്‌ കബീർ അമാനി, മുഹമ്മദ് ഫൈസി അമാനി, അൻവാർശ്ശേരി പ്രിൻസിപ്പൽ മുഹമ്മദ് ഷാഫി അമാനി, അഡ്വ. എസ്‌.എ. ഷാജഹാൻ എന്നിവർ സംസാരിച്ചു. ഫോട്ടോ: അൻവാർശ്ശേരിയിൽ പുനർനിർമിച്ച പള്ളിയുടെ ഉദ്ഘാടനം ദക്ഷിണ കേരള ജംഇയ്യതുൽ ഉലമ പ്രസിഡൻറ് കെ.പി. അബൂബക്കർ ഹസ്രത്ത് നിർവഹിക്കുന്നു.