കാമറ നിരീക്ഷണം: പ്രചാരണം ശരിയല്ലെന്ന്​ മോട്ടോർ വാഹന വകുപ്പ്​

കൊട്ടാരക്കര: എല്ലാ വാഹനങ്ങളും ഏപ്രിൽ ഒന്നു മുതൽ മോട്ടോർ വാഹനവകുപ്പിന്‍റെ നിരീക്ഷണത്തിലാണെന്നത്​ വ്യാജ സന്ദേശമാണെന്ന് ജില്ല മോട്ടോർ വെഹിക്കിൾ എൻഫോഴ്​സ്​മെന്‍റ് അധികൃതർ അറിയിച്ചു. കെൽട്രോണിന്‍റെ നേതൃത്വത്തിൽ ജില്ലയിൽ പ്രധാന ജങ്ഷനുകളിലായി 50 കാമറകളാണ് സ്ഥാപിച്ചത്. ഡിജിറ്റൽ കാമറ കൺട്രോൾ റൂമുമായി ബന്ധിപ്പിക്കുന്ന നടപടിക്രമങ്ങൾ നടന്നുവരുകയാണ്. നിലവിലെ സംവിധാനം പൂർത്തിയായാൽ ഈ മാസം അവസാന​േത്താടെ മാത്രമാണ് ജില്ലയിൽ പുതിയ സംവിധാനത്തിൽ കാമറ നിരീക്ഷണം ആരംഭിക്കുക. ഈ മാസം ഒന്നു മുതൽ കാമറ നിരീക്ഷണത്തിന്​ പുത്തൻ സംവിധാനം പ്രവർത്തിക്കുന്നുവെന്ന സമൂഹ മാധ്യമങ്ങളി​ലെ പ്രചാരണം തെറ്റാണ്​.