വിദ്യാർഥിനികൾക്ക്​ സ്വയം പ്രതിരോധത്തിന്‍റെ പാഠങ്ങൾ പകർന്ന്​ സിറ്റി പൊലീസ്​

ചിത്രം- കൊല്ലം: വർധിക്കുന്ന അതിക്രമങ്ങൾക്ക്​ പ്രതിരോധം തീർക്കാൻ സ്ത്രീക​ളെ ഒരുക്കുന്ന സ്വയം പ്രതിരോധ പദ്ധതിയായ സെൽഫ് ഡിഫൻസ്​ പരിശീലനം ശ്രീനാരായണ വനിത കോളജിൽ ആരംഭിച്ചു. കൊല്ലം സിറ്റി പൊലീസും ശ്രീനാരായണ വനിത കോളജ് വിമൻ സെല്ലും സംയുക്തമായി സംഘടിപ്പിച്ച പരിപാടിയിലൂടെ സ്വയം പ്രതിരോധമാർഗങ്ങളെ സംബന്ധിച്ച് സാങ്കേതിക മാർഗങ്ങൾ വിദ്യാർഥിനികൾക്ക് പകർന്ന് നൽകി. ​സിറ്റി പൊലീസ്​ കമീഷണർ ടി. നാരായണൻ ഉദ്​ഘാടനം ചെയ്തു. കോളജ് പ്രിൻസിപ്പൽ ഡോ. നിഷാ ജെ. തറയിൽ അധ്യക്ഷതവഹിച്ചു. അഡീ. എസ്​.പി ജോസി ചെറിയാൻ, ക്രൈംബ്രാഞ്ച് അസി. കമീഷണർ സോണി ഉമ്മൻ കോശി, കോളജ് വിമൻ സെൽ കോഓഡിനേറ്റർ ഡോ. ശിൽപ ശശാങ്കൻ, അസി.​ പ്രഫ. ജെ. വീണ എന്നിവർ സംസാരിച്ചു. തുടർന്ന് സീനിയർ സി.പി.ഒ റജീനബീവിയുടെ നേതൃത്വത്തിൽ വിദ്യാർഥിനികൾക്ക് പരിശീലനം നൽകി.