ഡ്രൈവറില്ലാതെ പിക് അപ് വാന്‍ ഉരുണ്ട്​ തോട്ടിൽവീണു

കുന്നിക്കോട്: കൊല്ലം - തിരുമംഗലം ദേശീയപാതയോരത്ത്‌ നിര്‍ത്തിയിട്ടിരുന്ന പിക് അപ്​ വാന്‍ ഡ്രൈവറില്ലാതെ മുന്നോട്ട് നീങ്ങി അപകടത്തില്‍പെട്ടു. വിളക്കുടി പഞ്ചായത്ത് ഓഫിസ് ജങ്​ഷന് സമീപം വ്യാഴാഴ്ച രാവിലെ പത്തോടെയായിരുന്നു സംഭവം. ഷോറൂമില്‍ അറ്റകുറ്റപ്പണികള്‍ക്കായി എത്തിച്ചതായിരുന്നു വാഹനം. പാതയിലൂടെ വന്ന ഇരുചക്രവാഹനത്തില്‍ വാന്‍ തട്ടിയെങ്കിലും അതിലെ യാത്രക്കാരന്‍ പരിക്കേൽക്കാതെ രക്ഷപ്പെട്ടു. പിക് അപ്​ വാഹനത്തിന് മുൻഭാഗം പൂർണമായും തകർന്നു.