ട്രാൻസ്​ഫോര്‍മറിനരികെ മാലിന്യക്കൂമ്പാരത്തിന്​ തീപിടിച്ചു

കൊല്ലം: നഗരമധ്യത്തിലെ ട്രാന്‍സ്‌ഫോര്‍മറിന് സമീപത്ത് മാലിന്യക്കൂമ്പാരത്തിന് തീപിടിച്ചത് പരിഭ്രാന്തി പടര്‍ത്തി. ബുധനാഴ്ച രാത്രി ഏഴിനാണ് ചിന്നക്കട ബി.എസ്.എന്‍.എല്‍ കസ്റ്റമര്‍കെയര്‍ ഓഫിസിനരികിലെ ട്രാന്‍സ്‌ഫോര്‍മറിന് സമീപത്തെ മാലിന്യക്കൂമ്പാരത്തിന് തീപിടിച്ചത്. തീയും പുകയും ഉയരുന്നത് കണ്ട് വഴിയാത്രക്കാര്‍ വിവരമറിയിച്ചതനുസരിച്ച്​ കടപ്പാക്കടയില്‍ നിന്നും അഗ്നിരക്ഷാസേനയെത്തിയാണ് തീ അണച്ചത്. സമീപത്തെ കെട്ടിടത്തില്‍നിന്ന്​ സിഗരറ്റ് കുറ്റി അലക്ഷ്യമായി വലിച്ചെറിഞ്ഞതാണ് തീപിടിത്തതിന്​ കാരണമെന്ന് സംശയിക്കുന്നു. സ്ഥലത്തെ വൈദ്യുതി ബന്ധം ഉടൻ വി​േച്ഛദിച്ചതിനാല്‍ വന്‍ അപകടം ഒഴിവായി. കടപ്പാക്കട അഗ്നിരക്ഷാനിലയത്തിലെ അസി. സ്‌റ്റേഷന്‍ ഓഫിസര്‍ മുരളി, ഫയര്‍ ഓഫിസര്‍മാരായ ഷമീര്‍, വിവേക്, പ്രമോദ്, ഹാമിൽട്ടന്‍ എന്നിവരുള്‍പ്പെട്ട സംഘമാണ് തീ അണച്ചത്.