അഡ്വക്കറ്റ് ക്ലർക്കുമാർ പണിമുടക്കുന്നു

​കൊല്ലം: കോടതികളിൽ ഇ-ഫയലിങ്​ സമ്പ്രദായം നടപ്പാക്കുന്നതോട അഡ്വക്കറ്റ് ക്ലർക്കുമാരുടെ തൊഴിൽ നഷ്ടപ്പെടുന്നതിനെതിരെ വ്യാഴാഴ്ച പണിമുടക്കും കൂട്ടധർണയും നടത്തും. ഇ-ഫയലിങ്​ സമ്പ്രദായത്തിൽ അഡ്വക്കറ്റ് ക്ലർക്കുമാരെ കൂടി ഉൾപ്പെടുത്തുക, ഇ-ഫയലിങ്ങിനോടൊപ്പം ഫിസിക്കൽ ഫയലിങ്​ നിലനിർത്തുക, അഡ്വക്കറ്റ് ക്ലർക്കുമാരുടെ തൊഴിൽ സുരക്ഷക്കും നിയമനിർമാണം നടത്തുക തുടങ്ങിയ ആവശ്യങ്ങളും ഭാരവാഹികൾ ഉന്നയിച്ചു. സമ്പൂർണ ഇ-ഫയലിങ്​ നടപ്പാക്കുന്നതോടെ പതിനായിരക്കണക്കിന് അഡ്വക്കറ്റ് ക്ലർക്കുമാർ തൊഴിൽരഹിതരാവും. ജില്ല പ്രസിഡന്‍റ്​ ആർ. ശശിധരൻ പിള്ള, സെക്രട്ടറി കാളിദാസൻ ജി.കെ, എസ്. രാധാകൃഷ്ണൻ, സി. സുന്ദരേശൻ പിള്ള, രാജേന്ദ്രൻ.പി എന്നിവർ വാർത്തസമ്മേളനത്തിൽ പ​ങ്കെടുത്തു.