പണിമുടക്കിലും ഭക്ഷണവിതരണം മുടങ്ങിയില്ല

കൊല്ലം: സംയുക്ത ട്രേഡ് യൂനിയന്‍റെ നേതൃത്വത്തില്‍ നടത്തുന്ന ദേശീയ പണിമുടക്കിന്‍റെ രണ്ടാം ദിനവും ജില്ല ആശുപത്രിയില്‍ ഭക്ഷണം വിതരണം ചെയ്തു. ഡി.വൈ.എഫ്​.ഐ അഞ്ചല്‍ ആയിരനല്ലൂര്‍ മേഖല കമ്മിറ്റിയുടെ നേതൃത്വത്തിലാണ് രണ്ടായിരത്തിലധികം ഭക്ഷണപ്പൊതികള്‍ വിതരണം ചെയ്തത്. ആശുപത്രിയിലെ ഭക്ഷണവിതരണത്തിനുശേഷം നഗരപരിധിയില്‍ ഭക്ഷണം കിട്ടാതെ വലഞ്ഞവര്‍ക്കും ഡി.വൈ.എഫ്.ഐയുടെ 'ഹൃദയസ്പര്‍ശം' പദ്ധതിയുടെ ഭാഗമായി ഭക്ഷണം നൽകി. ഡി.വൈ.എഫ്.ഐ ജില്ല ജോ. ​സെക്രട്ടറി പി.കെ. സുധീര്‍ ഭക്ഷണവിതരണം ഉദ്ഘാടനം ചെയ്തു. ജില്ല കമ്മിറ്റി അംഗം മനു എസ് ദാസ്, ബ്ലോക്ക് ജോയന്‍റ്​ സെക്രട്ടറി സുമേഷ്, ബിലാല്‍, വൈശാഖ്, മിഥുന്‍, ആയിരനല്ലൂര്‍ മേഖല പ്രസിഡന്‍റ് ഷൈന്‍ ബാബു, മേഖല സെക്രട്ടറി അനുരാഞ്ചന്‍, മേഖല കമ്മിറ്റി അംഗങ്ങളായ ഗോഡ്‌സണ്‍, ജിജോജോണ്‍, ജോമോന്‍ എന്നിവര്‍ നേതൃത്വം നൽകി. പണിമുടക്ക്​ അഞ്ചാലുംമൂട്ടില്‍ പൂര്‍ണം അഞ്ചാലുംമൂട്: സംയുക്ത ട്രേഡ് യൂനിയന്‍റെ നേതൃത്വത്തില്‍ നടന്ന ദേശീയ പണിമുടക്ക് രണ്ടാം ദിവസവും അഞ്ചാലുംമൂടും പരിസരപ്രദേശങ്ങളിലും പൂര്‍ണം. പൊതുഗതാഗത സംവിധാനം നിശ്ചലമായിരുന്നു. വ്യാപാരസ്ഥാപനങ്ങള്‍ പൂര്‍ണമായും അടഞ്ഞുകിടന്നു. സ്വകാര്യവാഹനങ്ങള്‍ മാത്രമാണ് നിരത്തിലിറങ്ങിയത്. ചുരുക്കം ചില ഓഫിസുകള്‍ തുറക്കാന്‍ ജീവനക്കാരെത്തിയെങ്കിലും സമരക്കാരെത്തിയതിനെ തുടര്‍ന്ന് പിൻവാങ്ങി.