സമ്മർ ഫുട്​ബാൾ കോച്ചിങ് ക്യാമ്പ്

പന്മന: പന്മനമനയിൽ ഫുട്​ബാൾ അസോസിയേഷന്‍റെ നേതൃത്വത്തിലുള്ള സമ്മർ ഫുട്​ബാൾ ക്യാമ്പും ടാലന്‍റ്​ ഹണ്ട് പ്രോഗ്രാമും ഏപ്രിൽ 15 ന് ആരംഭിക്കും. പന്മന, കരുനാഗപ്പള്ളി എന്നിവിടങ്ങളിലാണ് ക്യാമ്പ്. അഞ്ചു മുതൽ 17 വരെ പ്രായമുള്ള ആൺകുട്ടികൾക്കും പെൺകുട്ടികൾക്കും ഫുട്​ബാൾ കോച്ചിങ് ക്യാമ്പിൽ പങ്കെടുക്കാം. മികച്ച രീതിയിൽ പരിശീലനം പൂർത്തിയാക്കുന്നവർക്ക്​ 'വിഷൻ 2030'ന്‍റെ ഭാഗമായുള്ള അക്കാദമിയിലേക്ക്​ പ്രവേശനം നൽകും. കൂടുതൽ വിവരങ്ങൾക്കായി 892124 2746, 7012392553, 9562218325 നമ്പറുകളിൽ ബന്ധപ്പെടാം. പട്ടയപ്രശ്നത്തിന് പരിഹാരം കാണണം ശാസ്താംകോട്ട: പോരുവഴി പഞ്ചായത്തിലെ മൂന്നാം വാർഡിലെ ഇടയ്ക്കാട് കോളനി നിവാസികളുടെ പട്ടയ പ്രശ്നത്തിന് ശാശ്വത പരിഹാരം കാണണമെന്ന് സി.പി.ഐ മണ്ണാറോഡ് ബ്രാഞ്ച് സമ്മേളനം ആവശ്യപ്പെട്ടു. സി.പി.ഐ ജില്ല എക്സിക്യൂട്ടിവ് അംഗം ആർ.എസ്. അനിൽ ഉദ്​ഘാടനം ചെയ്തു. ജേക്കബ് ഡാനിയേൽ അധ്യക്ഷതവഹിച്ചു. ജില്ല കമ്മിറ്റി അംഗം ടി. അനിൽ, ആർ. ഗോപാലകൃഷ്ണൻ ഉണ്ണിത്താൻ, മനു പോരുവഴി, പി.എം. സോമരാജൻ, ഫിലിപ്, കെ.റ്റി. രാജു എന്നിവർ സംസാരിച്ചു. സെക്രട്ടറിയായി കെ.റ്റി. രാജുവിനെയും അസി സെക്രട്ടറിയായി രാജൻ ആലുവിളയെയും തെരഞ്ഞെടുത്തു.