ഒപ്പം താമസിക്കുന്ന സുഹൃത്തിനെ ആക്രമിച്ച യുവാവ് പിടിയിൽ

കൊട്ടിയം: ഒന്നിച്ച് താമസിക്കുന്ന സുഹൃത്തിനെ ആക്രമിച്ച യുവാവിനെ പൊലീസ്​ പിടികൂടി. തഴുത്തല കൊട്ടുംമ്പുറം സുമിത് ഭവനത്തിൽ സുജിത്ത്ദാസ്​ (40) ആണ് പിടിയിലായത്. അഞ്ച് വർഷത്തിന് മുമ്പ് ഇയാൾ യുവതിയെ ഒപ്പം കൂട്ടുകയായിരുന്നു. കഴിഞ്ഞ 27ന് ഉച്ചക്ക്​ യുവതിയുടെ വീട്ടിൽ കയറി ഇയാൾ ദേഹോപദ്രവം ഏൽപ്പിക്കുകയായിരുന്നു. വീട്ടിലെ അലമാരയുടെയും ജനൽ ഗ്ലാസുകളും അടിച്ച് തകർത്തു. കൊട്ടിയം സബ് ഇൻസ്​പെക്ടർമാരായ സുജിത് ജി. നായർ, റെനോക്സ്​, എ.എസ്​.ഐ ഫിറോസ്​ഖാൻ, എസ്.സി.പി.ഒമാരായ സാംജി, ബീന, സി.പി.ഒ പ്രശാന്ത് എന്നിവരടങ്ങിയ സംഘമാണ് പിടികൂടിയത്. ഇയാളെ റിമാൻഡ് ചെയ്തു. പെൺകുട്ടിയോട് അതിക്രമം; സംഘത്തിലെ ഒരാൾ കൂടി പിടിയിൽ ഇരവിപുരം: പ്രായപൂർത്തിയാകാത്ത പെൺകുട്ടിയോട് അതിക്രമം നടത്തിയ സംഘത്തിലെ ഒരാളെ കൂടി ഇരവിപുരം പൊലീസ്​ പിടികൂടി. താന്നി സാഗരതീരം സൂനാമി ഫ്ലാറ്റ് നമ്പർ എട്ടിൽ ജി. ശ്രീജിത്ത് (27) ആണ് പിടിയിലായത്. കഴിഞ്ഞ ആഗസ്റ്റ് ആറിന് സംഘം പെൺകുട്ടിയുടെ വീടിന് സമീപം വന്ന് അസഭ്യം പറഞ്ഞു. തുടർന്ന് ഇവർ വീടിന്‍റെ ജനാലച്ചില്ല് അടിച്ച് തകർക്കുകയും പെൺകുട്ടിയുടെ കൈയിൽ കടന്ന് പിടിച്ച് അതിക്രമത്തിന് മുതിരുകയും ചെയ്​തു. പരസ്യ ആക്രമണത്തിൽ മനം നൊന്ത പെൺകുട്ടി ആത്മഹത്യക്ക് ശ്രമിച്ചു. സംഭവത്തിലുൾപ്പെട്ട രണ്ടുപേർ കഴിഞ്ഞ ഫെബ്രുവരി ആറിന് അറസ്റ്റിലായിരുന്നു.