കുളക്കടയിൽ പാർപ്പിട പദ്ധതിക്ക് പ്രാധാന്യം

കൊട്ടാരക്കര: കുളക്കട ഗ്രാമപഞ്ചായത്ത് ബജറ്റ് വൈസ് പ്രസിഡന്‍റ് കവിത ഗോപകുമാർ അവതരിപ്പിച്ചു. ലൈഫ് ഭവന പദ്ധതിക്ക് 2.50 കോടി, കൃഷി, മൃഗസംരക്ഷണം, ക്ഷീര വികസനം എന്നിവക്ക്​ ഒരു കോടി, കുടിവെള്ളക്ഷാമം പരിഹരിക്കാൻ 56 ലക്ഷം, പട്ടികജാതി ക്ഷേമം 60 ലക്ഷം, വയോജനക്ഷേമം 25 ലക്ഷം, വനിത-ശിശു വികസനത്തിന് 50 ലക്ഷം രൂപയും നീക്കിവെച്ചു. തൊഴിലുറപ്പുപദ്ധതിക്കായി ഏഴ്​ കോടി വകയിരുത്തി. ഗ്രാമപഞ്ചായത്ത് പ്രസിഡന്‍റ് പി.ടി. ഇന്ദുകുമാർ അധ്യക്ഷത വഹിച്ചു.