പെൻഷനേഴ്‌സ് യൂനിയൻ ബ്ലോക്ക് സമ്മേളനം

അഞ്ചൽ: കേരള സർവിസ് പെൻഷനേഴ്‌സ് യൂനിയൻ അഞ്ചൽ ബ്ലോക്ക് സമ്മേളനം കെ.എൻ.കെ ഓഡിറ്റോറിയത്തിൽ പി.എസ്. സുപാൽ എം.എൽ.എ ഉദ്ഘാടനം ചെയ്തു. പ്രസിഡൻറ് ആർ. ബാലകൃഷ്ണപിള്ള അധ്യക്ഷത വഹിച്ചു. കാലിക്കറ്റ്​ സർവകലാശാലയിൽനിന്ന്​ ബി.എസ്​സി ബയോകെമിസ്ട്രിയിൽ ഒന്നാം റാങ്ക് നേടിയ വി.പി സ്വാതി കൃഷ്ണയേയും കേരള സർവകലാശാലയിൽനിന്ന്​ ഫിസിക്സിൽ ഡോക്ടറേറ്റ് നേടിയ ആർ. രേവതിയേയും അഞ്ചൽ പഞ്ചായത്ത് പ്രസിഡൻറ് എസ്. ബൈജു അനുമോദിച്ചു. സംസ്ഥാന കമ്മിറ്റിയംഗം കെ. രാജു പ്രതിനിധി സമ്മേളനം ഉദ്ഘാടനം ചെയ്തു. ബ്ലോക്ക് സെക്രട്ടറി എൻ. ഗോപാലകൃഷ്ണപിള്ള പ്രവർത്തന റിപ്പോർട്ടും ട്രഷറർ എം. രാജേന്ദ്രൻ പിള്ള വരവ് ചെലവ് കണക്കും ജില്ല സെക്രട്ടറി സംഘടന റിപ്പോർട്ടും അവതരിപ്പിച്ചു. ജില്ല ജോ. സെക്രട്ടറി ആർ. വാമദേവൻ, എം. ഭാസി, എ. രാമചന്ദ്രൻ, പി. വാസുദേവൻ, ഗ്രേസിക്കുട്ടി, പി.വി. ജോസഫ്, പി. സരോജനി അമ്മ, എസ്. ബഷീർ, കെ. ദേവരാജൻ, കെ. രത്നനമ്മ എന്നിവർ സംസാരിച്ചു. ആയൂർ-അഞ്ചൽ റോഡി‍ൻെറയും അഞ്ചൽ ബൈപാസി‍ൻെറയും നിർമാണം ഉടൻ പൂർത്തിയാക്കണമെന്ന് സമ്മേളനം ആവശ്യപ്പെട്ടു. ഭാരവാഹികൾ: ആർ. വാമദേവൻ (പ്രസിഡൻറ്), എൻ. ഗോപാലകൃഷ്ണപിള്ള (സെക്രട്ടറി), എം. രാജേന്ദ്രൻ പിള്ള (ട്രഷറർ).