ഭക്ഷണം വിതരണം ചെയ്തു

ശാസ്താംകോട്ട: യുനൈറ്റഡ് സോക്കര്‍ റിക്രിയേഷന്‍ ക്ലബിന്‍റെ ആഭിമുഖ്യത്തില്‍ ശാസ്താംകോട്ട താലൂക്ക് ആശുപത്രിയില്‍ കിടപ്പുരോഗികള്‍ക്കും കൂട്ടിരിപ്പുകാര്‍ക്കും ഭക്ഷണവിതരണം നടത്തി. കോവൂര്‍ കുഞ്ഞുമോന്‍ എം.എല്‍.എ ഉദ്ഘാടനം നിര്‍വഹിച്ചു. ആശുപത്രി സൂപ്രണ്ട്​ ഷഹാന മുഹമ്മദ്, ബ്ലോക്ക് പഞ്ചായത്തംഗം തുണ്ടില്‍ നൗഷാദ്, വാര്‍ഡ് മെംബര്‍ എം.രജനി, എസ്. ദിലീപ്കുമാര്‍, അബ്ദുല്‍ സമദ്, ജശാന്ത് എന്നിവര്‍ നേതൃത്വം നല്‍കി. ....kw+ke.... പ്രാദേശിക വികസനത്തിന് ഭരണാനുമതി കൊല്ലം: എന്‍.കെ. പ്രേമചന്ദ്രൻ, കൊടിക്കുന്നില്‍ സുരേഷ് എന്നീ എം.പിമാരുടെ പ്രാദേശിക വികസന ഫണ്ടില്‍നിന്ന്​ വിവിധ പദ്ധതികള്‍ക്ക് ഭരണാനുമതി. ചവറ ഗ്രാമപഞ്ചായത്തിലെ മുറുക്കനാല്‍ ജങ്ഷന്‍ ഡീസന്‍റുമുക്ക് റോഡ് നിര്‍മാണത്തിന്​ 3,45,000 രൂപ, ചിതറ ഗ്രാമപഞ്ചായത്ത് തനിമ പബ്ലിക് ലൈബ്രറി, കിഴുനില ജങ്ഷനില്‍ മിനി മാക്‌സ് ലൈറ്റ് എന്നിവക്ക് യഥാക്രമം 10 ലക്ഷം, 3,39,900 രൂപയും എന്‍.കെ. പ്രേമചന്ദ്രന്‍ എം.പിയുടെ ഫണ്ടിലാണ് അനുമതിയായത്. കൊടിക്കുന്നില്‍ സുരേഷ് എം.പിയുടെ പ്രാദേശിക വികസന ഫണ്ടില്‍നിന്ന്​ മൈനാഗപ്പള്ളി ഗ്രാമപഞ്ചായത്ത് തോട്ടുമുഖം ജങ്ഷനില്‍ മിനി മാസ്റ്റ് ലൈറ്റ് സ്ഥാപിക്കുന്നതിന് അനുവദിച്ച 2,06,900 രൂപക്കും ഭരണാനുമതിയായി.