ബാക് ടു ഹോം പദ്ധതി; വീട് സമർപ്പണം ഇന്ന്

കൊല്ലം: പ്രളയാനന്തര കേരളത്തിന്‍റെ പുനർനിർമിതിയുടെ ഭാഗമായി ടി.കെ.എം. എൻജിനീയറിങ് കോളജ് നടപ്പാക്കി വരുന്ന ബാക് ടു ഹോം പദ്ധതിയിലെ 18ാമത് വീടിന്‍റെ താക്കോൽ ദാനം ശനിയാഴ്ച നടക്കും. രാവിലെ 10.30ന് പേരൂരിൽ ടി.കെ.എം കോളജ് ട്രസ്റ്റ് ചെയർമാൻ ഡോ. ഷഹാൽ ഹസൻ മുസ്​ലിയാർ നിർവഹിക്കും. ട്രസ്റ്റ് ട്രഷറർ ടി.കെ. ജലാലുദ്ദീൻ മുസ്​ലിയാർ, അംഗങ്ങളായ ടി.കെ. ജമാലുദ്ദീൻ മുസ്​ലിയാർ, ഡോ. എം. ഹാറൂൺ, കോളജ് പ്രിൻസിപ്പൽ ഡോ. ടി.എ. ഷാഹുൽ ഹമീദ് എന്നിവർ പങ്കെടുക്കും. കരിക്കോട് പേരൂർ അശ്വതി ഭവനിൽ ലേഖക്കാണ് 623 ചതുരശ്ര അടി വിസ്തീർണമുള്ള വീട്​ നിർമിച്ച് നൽകുന്നത്.