തീരദേശ ഹൈവേ: സർവേ നടപടികൾ തുടങ്ങി

പരവൂർ: തീരദേശ ഹൈവേക്ക് റോഡ് നിർമാണത്തിനായുള്ള സർവേ തുടങ്ങി. ലക്ഷ്മിപുരം തോപ്പ്, മുക്കം, പൊഴിക്കര ഭാഗങ്ങളിലാണ് ഇപ്പോൾ സർവേ നടക്കുന്നത്. രണ്ടുസംഘങ്ങളാണ് ഇരവിപുരം-പരവൂർ തീരദേശ റോഡിൽ ഹൈവേക്കായുള്ള സർവേ നടത്തുന്നത്. പൂവാർ മുതൽ വർക്കല വരെയും, വർക്കല മുതൽ പൊഴിക്കര വഴി നീണ്ടകര വരെയും നീണ്ടകരയിൽ നിന്നും കരുനാഗപ്പള്ളി അഴീക്കൽ വരെയുമാണ് സർവേ നടത്തുന്നത്.