സംസ്ഥാന ജൂനിയർ ഹോക്കി: കൊല്ലം ജേതാക്കൾ

കൊല്ലം: കേരള ഹോക്കിയുടെ ആഭിമുഖ്യത്തിൽ ആശ്രാമം ഹോക്കി സ്​റ്റേഡിയത്തിൽ നടന്ന ആൺകുട്ടികളുടെ ഏഴാമത്​ സംസ്ഥാന ജൂനിയർ ചാമ്പ്യൻഷിപ്പിൽ കൊല്ലം ജേതാക്കളായി. വ്യാഴാഴ്ച നടന്ന ഫൈനലിൽ മലപ്പുറ​ത്തിനെ ഏകപക്ഷീയമായ രണ്ട്​ ഗോളുകൾക്ക്​ തോൽപിച്ചാണ്​ കൊല്ലത്തി‍ൻെറ സ്വന്തം ടീം കിരീടം ചൂടിയത്​. ​കൊല്ലത്തി‍ൻെറ മുഹമ്മദ്​ അസ്​ലം മികച്ച താരവുമായി. രാവിലെ ഏഴിന്​ നടന്ന സെമിയിൽ പാലക്കാടിനെ തോൽപിച്ചാണ്​ കൊല്ലം ഫൈനലിലേക്ക്​ മുന്നേറിയത്​. മലപ്പുറം എറണാകുളത്തെയും സെമിയിൽ ​തോൽപിച്ചു. ലൂസേഴ്​സ്​ ഫൈനലിൽ പാലക്കാടിനെ 2-1ന്​ തോൽപിച്ച്​ എറണാകുളം മൂന്നാംസ്ഥാനം നേടി. ജേതാക്കൾക്ക്​ കൊല്ലം ഡിവൈ.എസ്​.പി വിജയകുമാർ കിരീടം സമ്മാനിച്ചു.