വീടുകയറി ആക്രമണം: നാലു പ്രതികൾ പിടിയിൽ

കൊല്ലം: ക്ഷേത്രോത്സവത്തിനിടെ, ഭാര്യയെ ശല്യം ചെയ്തതിനെതിരെ പൊലീസിൽ പരാതി നൽകിയതിന്​ വീട്ടിൽ കയറി ഗൃഹനാഥനെ വെട്ടിയ സംഘത്തിലെ നാലു പേർ പിടിയിൽ. കരിക്കോട് ഐശ്വര്യാനഗർ 18 ജിച്ചു വിലാസത്തിൽ ലിഞ്ചു തങ്കച്ചൻ (35-റോയ്), കൊറ്റങ്കര വയലിൽ പുത്തൻവീട്ടിൽ രാജീവ് (26-പട്ടര് രാജീവ്), ചന്ദനത്തോപ്പ് പത്തായ കല്ല് വയലിൽ പുത്തൻവീട്ടിൽ ആഷിക് ജീവൻ (26), തട്ടാർ കോണം കൽക്കുളം ക്ഷേത്രത്തിനുസമീപം പ്രശാന്തി വീട്ടിൽ ശ്രീകാന്ത് (39) എന്നിവരാണ് പിടിയിലായത്. 19ന്​ രാത്രിയിൽ ചാത്തിനാംകുളം കുരുനാമണി ക്ഷേത്രത്തിനു സമീപം അമ്പിളി ഭവനിൽ ജയകുമാറിനെയാണ് വെട്ടിപ്പരിക്കേൽപിച്ചത്. ക്ഷേ​ത്രോത്സവത്തിനിടെ, ജയകുമാറിന്‍റെ ഭാര്യയെ സംഘം ശല്യം ചെയ്തതിന്​ കിളികൊല്ലൂർ പൊലീസിൽ പരാതി നൽകിയിരുന്നു. ഈ വൈരാഗ്യത്തിലാണ്​ വീട്ടിൽ ആഹാരം കഴിച്ചു കൊണ്ടിരുന്ന ഗൃഹനാഥനെ വീട്ടുകാരുടെ മുന്നിലിട്ട്​ സംഘം വെട്ടിയത്​.