പൊലീസ് പെൻഷനേഴ്സ് അസോസിയേഷൻ വാർഷികം

കൊല്ലം: കേരള സ്റ്റേറ്റ് പൊലീസ് പെൻഷനേഴ്സ് അസോസിയേഷൻ സിറ്റി വാർഷിക സമ്മേളനം 24ന്​ രാവിലെ 9.30 ന്​ കൊല്ലം പബ്ലിക്​ ലൈബ്രറി ഹാളിൽ മന്ത്രി ജെ. ചിഞ്ചുറാണി ഉദ്​ഘാടനം ചെയ്യും. അസോസിയേഷൻ സംസ്ഥാന പ്രസിഡന്‍റ്​ പി.കെ. ലംബാധരൻ നായർ, സംസ്ഥാന ജനറൽ സെക്രട്ടറി കെ. ശ്രീകുമാർ എന്നിവർ പ​ങ്കെടുക്കും. ടി. രഘുനാഥൻ നായർ അധ്യക്ഷതവഹിക്കും. പ്രതിനിധി സമ്മേളനം റിട്ട. എസ്​.പി എം. കൃഷ്ണഭദ്രൻ ഉദ്​ഘാടനം ചെയ്യും. മുതിർന്ന അംഗങ്ങളെ ചടങ്ങിൽ ആദരിക്കും. 2010 ഏപ്രിൽ ഒന്നിനു മുമ്പ് സർവിസിൽനിന്ന്​ പിരിഞ്ഞവർക്ക് ട്രെയിനിങ്​ പിരീഡ് സർവിസ് ആയി പരിഗണിക്കുക, 27 വർഷം സർവിസ് പൂർത്തിയാക്കിയവർക്ക്​ നാലാം ഗ്രേഡ് അനുവദിക്കുക, കോടതികളിൽ സാക്ഷികളായി പോകുന്നവർക്ക്​ യാത്രപ്പടി നൽകുക, മെഡിസെപ്പ്​ ഉടൻ നടപ്പാക്കുക തുടങ്ങിയ ആവശ്യങ്ങൾ യോഗം ഉന്നയിച്ചു. ജില്ല പ്രസിഡന്റ് ടി. രഘുനാഥൻ നായർ, സെക്രട്ടറി എം. ജമാലുദ്ദീൻ കുഞ്ഞ്​, ജി.പി. രാജശേഖരൻ, കെ. രാജു, എ. മോഹനൻ, എം. കമറുദ്ദീൻ എന്നിവർ വാർത്തസമ്മേളനത്തിൽ പങ്കെടുത്തു.