'വേളാങ്കണ്ണി ട്രെയിൻ​ റെഗുലർ സർവിസാക്കണം'

കൊല്ലം: വേളാങ്കണ്ണിയിലേക്കുള്ള തീവണ്ടി റെഗുലർ ട്രെയിനാക്കി മാറ്റണമെന്നും തിരുവനന്തപുരം-മധുര അമൃത എക്സ്​പ്രസ്​ രാമേശ്വരം വരെ ദീർഘിപ്പിക്കണമെന്നും എൻ.കെ. പ്രേമചന്ദ്രൻ എം.പി ലോക്സഭയിൽ ആവശ്യപ്പെട്ടു. ചട്ടം 377 പ്രകാരമാണ് വിഷയം സഭയിൽ ഉന്നയിച്ചത്. വേളാങ്കണ്ണി, നാഗൂർ, രാമേശ്വരം എന്നിവ വളരെ പ്രധാനപ്പെട്ട തീർഥാടന കേന്ദ്രങ്ങളാണ്. കൊല്ലം തിരുവനന്തപുരം ജില്ലകളിൽനിന്ന്​ രാമേശ്വരത്തേക്ക് സർവിസ് നിലവിലില്ല. തിരുവനന്തപുരത്തുനിന്ന്​ മധുര വരെ പോകുന്ന അമൃത എക്സ്​പ്രസ് രാമേശ്വരത്തേക്ക് ദീർഘിപ്പിച്ചാൽ പ്രശ്നത്തിന് പരിഹാരമാകും. വേളാങ്കണ്ണി ട്രെയിൻ സ്​പെഷൽ സർവിസാണ്​. ദിവസേന നൂറുകണക്കിന് യാത്രക്കാരുള്ള തീവണ്ടി റെഗുലർ ട്രെയിനാക്കണം.