ചെങ്കോട്ട പാസഞ്ചർ പുനരാരംഭിച്ചു

പുനലൂർ: കൊല്ലം-ചെങ്കോട്ട പാതയിൽ നിർത്തിവെച്ചിരുന്ന പാസഞ്ചർ ചൊവ്വാഴ്ച മുതൽ പുനരാരംഭിച്ചു. പുനലൂർ-കൊല്ലം പാത വൈദ്യുതീകരണത്തിന്‍റെ ഭാഗമായി കഴിഞ്ഞ 24 മുതലാണ് ഇതുവഴി ഉച്ചക്കുള്ള ചെങ്കോട്ട-കൊല്ലം, കൊല്ലം-ചെങ്കോട്ട പാസഞ്ചർ നിർത്തിവെച്ചിരുന്നത്. പാത വൈദ്യുതീകരണ ജോലികൾ പൂർത്തിയാക്കി തിങ്കളാഴ്ച വൈദ്യുതി എൻജിൻ പരീക്ഷണ ഓട്ടം നടത്തിയിരുന്നു. കൂടാതെ സേഫ്റ്റി കമീഷണർ പാതയിൽ സുരക്ഷയും വേഗവും പരിശോധിച്ച് സുരക്ഷ ഉറപ്പാക്കിയിരുന്നു.