'മൺറോതുരുത്തിലേക്ക് ബസ് വേണം'

കുണ്ടറ: കൊല്ലത്തുനിന്നും കരുനാഗപ്പള്ളിയിൽനിന്നും​ മൺറോതുരുത്തിലേക്ക്​ ഉണ്ടായിരുന്ന കെ.എസ്​.ആർ.ടി.സി ഓർഡിനറി സർവിസുകളും തിരുവനന്തപുരം ഫാസ്റ്റ്​ പാസഞ്ചറും പുനഃസ്ഥാപിക്കാൻ അടിയന്തര നടപടി സ്വീകരിക്കണമെന്ന് ജില്ല വികസനസമിതി അംഗം എബ്രഹാം സാമുവൽ ആവശ്യപ്പെട്ടു. നിലവിൽ കൊട്ടാരക്കര നിന്നും പേഴുംതുരുത്തിലെക്ക് രാവിലെയും വൈകീട്ടുമായുള്ള ഒരു സർവിസ് മാത്രമാണ് പ്രവർത്തിക്കുന്നത്​. 'ഭരണഘടന- കാവലും കരുതലും' സെമിനാർ കിഴക്കേ കല്ലട: ലൈബ്രറി കൗൺസിൽ കിഴക്കേ കല്ലട മൺറോതുരുത്ത് പഞ്ചായത്ത് സമിതിയു​െടയും കെ.പി.പി യൂനിയൻ ഗ്രന്ഥശാലയു​െടയും സംയുക്താഭിമുഖ്യത്തിൽ 'ഭരണഘടന കാവലും കരുതലും' സെമിനാർ കല്ലട വി.വി. ജോസ് ഉദ്ഘാടനം ചെയ്തു. കെ.ആർ. ശ്രീജിത്ത് അധ്യക്ഷത വഹിച്ചു. ബൈജു പ്രണവം, വിദ്യാഭ്യാസ ആരോഗ്യ സ്റ്റാൻഡിങ്​ കമ്മിറ്റി ചെയർപേഴ്സൺ എസ്. ശ്രുതി, കലാകൈരളി ഗ്രന്ഥശാല സെക്രട്ടറി എസ്. അജീഷ്, ടി. രാജേന്ദ്രൻ എന്നിവർ സംസാരിച്ചു.