പ്രതിഷേധ ധർണ

കൊല്ലം: വിശ്വകർമജരെ ബജറ്റിൽ അവഗണിച്ചതിൽ പ്രതിഷേധിച്ച്​ 25ന്​ കലക്ടറേറ്റുപടിക്കൽ ധർണ നടത്താൻ ശ്രീവിശ്വകർമവേദപഠനകേന്ദ്ര ധാർമികസംഘം ഉന്നതാധികാരസമിതിയോഗം തീരുമാനിച്ചു. സംസ്ഥാന പ്രസിഡന്‍റ്​ ആറ്റൂർ ശരത്ചന്ദ്രൻ ഉദ്ഘാടനം ചെയ്തു. സംസ്ഥാന ജനറൽ സെക്രട്ടറി പി. വിജയബാബു അധ്യക്ഷത വഹിച്ചു. ആശ്രാമം സുനിൽകുമാർ, രാമചന്ദ്രൻ കടകംപള്ളി, ബിനു ആചാര്യ ചാത്തന്നൂർ, ബാബു ചേരിയിൽ, ടി.പി. ശശാങ്കൻ, എൽ. പ്രകാശ്, ശിവരാജൻ, പി. വാസുദേവൻ എന്നിവർ സംസാരിച്ചു. ....must.... സൗഖ്യപ്രയാൺ@225 കൊല്ലം: മനയിൽകുളങ്ങര വൈദ്യാഭവൻ അപ്പാർട്മെന്‍റ്​ അസോസിയേഷൻ നടപ്പാക്കുന്ന ഇന്‍റർനാഷനൽ ഫോറം ഫോർ പ്രമോട്ടിങ്​ ഹോമിയോപ്പതിയുടെ 'സൗഖ്യപ്രയാൺ@225' പദ്ധതി ഞായറാഴ്ച രാവിലെ ഒമ്പതിന്​ മേയർ പ്രസന്ന ഏണസ്റ്റ്​ ഉദ്​ഘാടനം ചെയ്യും. കോവിഡാനന്തര രോഗങ്ങൾ പരിഹരിക്കാനുള്ള മെഡിക്കൽക്യാമ്പ്​ ഇതോടനുബന്ധിച്ച്​ നടക്കും. ഉച്ചക്ക്​ രണ്ടുമുതൽ നാലുവരെ എല്ലാ ദിവസവും സൗജന്യ പാർട്ട്​ ടൈം ക്ലിനിക്കും ഉണ്ടായിരിക്കുമെന്ന്​ ​അസോസിയേഷൻ പ്രസിഡന്‍റ്​ കമാൽ പിഞ്ഞാണിക്കട, സെക്രട്ടറി ടി.എസ്​. ബിജി എന്നിവർ അറിയിച്ചു.