കിണറ്റിലെ പമ്പ് സെറ്റ് മോഷ്ടിച്ചു

കൊട്ടാരക്കര: കിണറ്റിൽ സ്ഥാപിച്ചിരുന്ന പമ്പ് സെറ്റ് മോഷ്ടിച്ചു. കരിമ്പിൻപുഴ ശബരീശത്തിൽ ഓമനക്കുട്ടൻ പിള്ളയുടെ വീട്ടിൽനിന്നാണ് പമ്പ് സെറ്റ് കവർന്നത്. പഴയ വീട് വാടകക്ക്​ നൽകുന്നതിന്‍റെ ഭാഗമായി വീടൊരുക്കുന്നതിനിടെ പമ്പ് സെറ്റ് ഓണാക്കിയെങ്കിലും പ്രവർത്തിച്ചില്ല. കയറിൽ കെട്ടിത്തൂക്കി വെള്ളത്തിൽ ഇട്ടിരിക്കുകയായിരുന്നു പമ്പ് സെറ്റ്. പമ്പിന്‍റെ അറ്റകുറ്റപ്പണിക്കായി കയർ ഉയർത്തിയപ്പോൾ അറ്റത്ത് വേലിക്കല്ലാണ് കണ്ടെത്തിയത്.