സംസ്ഥാന സീനിയർ പുരുഷ ഹോക്കി ചാമ്പ്യൻഷിപ്പിന്​ തുടക്കം

കൊല്ലം: കേരള ഹോക്കിയുടെ ആഭിമുഖ്യത്തിൽ ഏഴാമത്​ സംസ്ഥാന സീനിയർ പുരുഷ ഹോക്കി ചാമ്പ്യൻഷിപ്പിന്​ ആശ്രാമം ന്യൂ ഹോക്കി സ്റ്റേഡിയത്തിൽ തുടക്കം. ജില്ല ടീമുകളും ആർമി-നേവി ടീമുകളും മാറ്റുരക്കുന്ന ചാമ്പ്യൻഷിപ്പിൽ ആയിരത്തോളം താരങ്ങളാണ് മത്സരിക്കുന്നത്​. ആദ്യദിനം നടന്ന മത്സരങ്ങളിൽ കണ്ണൂർ പത്തനംതിട്ടയെയും (4-0) കോട്ടയം ആലപ്പുഴയെയും (4-0) വയനാട് പത്തനംതിട്ടയെയും (2-1) തിരുവനന്തപുരം കാസർകോടിനെയും (11-0) പാലക്കാട് ആലപ്പുഴയെയും (10-0) തോൽപിച്ചു. വ്യാഴാഴ്ച രാവിലെ ഏഴുമുതൽ മത്സരങ്ങൾ നടക്കും. ഉച്ചക്ക്​ രണ്ടുമുതൽ ക്വാർട്ടർ ഫൈനൽ മത്സരങ്ങൾ. 18ന് രാവിലെ ഏഴുമുതൽ സെമി ഫൈനൽ മത്സരങ്ങളും വൈകീട്ട് നാലിന് ഫൈനൽ മത്സരവും നടക്കും. 19 മുതൽ 21 വരെ സബ് ജൂനിയർ ചാമ്പ്യൻഷിപ്പും 22 മുതൽ 24വരെ ജൂനിയർ ചാമ്പ്യൻഷിപ്പും 25 മുതൽ 28 വരെ മാസ്റ്റേഴ്സ് ടൂർണമെന്‍റും നടക്കും.