പള്ളിവളപ്പിൽ മോഷണം നടത്തിയ ആൾ അറസ്റ്റിൽ

കൊട്ടാരക്കര: പള്ളി കോമ്പൗണ്ടിൽ മോഷണം നടത്തിയ കേസിലെ പ്രതിയെ കൊട്ടാരക്കര പൊലീസ് അറസ്റ്റ് ചെയ്തു. മുസ്​ലിം സ്ട്രീറ്റ് ചരുവിള പുത്തൻവീട്ടിൽ ജോജോ(30) യെ ആണ് അറസ്റ്റ് ചെയ്തത്. കൊട്ടാരക്കര ലത്തീൻ കത്തോലിക്കാ പള്ളിയുടെ വരാന്തയിൽ ഫിറ്റ് ചെയ്തിരുന്ന സി.സി ടി.വി കാമറയും പള്ളി കോമ്പൗണ്ടിൽ പാർക്ക് ചെയ്​തിരുന്ന ഓട്ടോയിൽ നിന്ന് പെട്രോളും പണി സാധനങ്ങളുമാണ് പ്രതി മോഷ്ടിച്ചത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു. ചിത്രം : അറസ്റ്റിലായ പ്രതി ജോജോ