ബജറ്റ്​ നിർദേശം: മീറ്റർ കമ്പനിക്ക്​ പ്രതീക്ഷ

ഇരവിപുരം: കൊല്ലൂർവിള പള്ളിമുക്കിലെ മീറ്റർ കമ്പനിയിൽ (യുനൈറ്റഡ് ഇലക്ട്രിക്കൽ ഇൻഡസ്ട്രീസ്) ഇൻഡസ്ട്രിയൽ ഫെസിലിറ്റേഷൻ പാർക്ക് സ്ഥാപിക്കുമെന്ന ധനമന്ത്രിയുടെ ബജറ്റ്​ പ്രഖ്യാപനം കമ്പനിയുടെ വളർച്ചയിൽ നാഴികക്കല്ലായി മാറുമെന്ന് കമ്പനി ചെയർമാൻ ബിനോയ് ജോസഫും എം.ഡി. എസ്.ആർ. വിനയകുമാറും പറഞ്ഞു. കിഫ്‌ബി നിയന്ത്രണത്തിൽ സംസ്ഥാനത്താകെ ആരംഭിക്കുന്ന പദ്ധയുടെ പൈലറ്റ് പദ്ധതിയാണ് മീറ്റർ കമ്പനിയിൽ ആരംഭിക്കുക. ഇതിനായി കിഫ്ബിയുടെ കീഴിൽ 200 കോടി രൂപയുടെ ഒരു പ്രത്യേകനിധി രൂപവത്​കരിക്കുമെന്നാണ് ധനമന്ത്രി ബജറ്റിൽ പ്രഖ്യാപിച്ചത്.